Disclaimer

Ang Disclaimer nga dia mi bisa’ impisa pa ang Oct 2006. Togoti indo ako nga laketan ko’ Inglis moro’ na indi mapalikayan. Piro reregesen ko’ Cuyonon agod mi sab. Ig sa pagbasa i dia, kamo naga togot sa mga kondisyonis sa ibaba:

  1. Oras nga aka rihistro kamo ren sa CP, ambligan indo’ mayad ang indong Privacy. Pariho ang pagtarawen sa iba ang indong email adds, phone number, ig iba pang mga bagay nga midio sensitive paagi sa CP. Dan ara amen i totogoti ang CP.
  2. Ang Cuyo Press admin ay ara labet kung anono man ang matabo kanindo kung indi indo i protiktaran ang indong Privacy. Animan maiget nga ing bibilin amen kanindo nga indi kamo enged ag betang sa Shout box o maski ading parti ang CP ang indong personal info.
  3. Maglisinsya kamo sa isara mi isara ig kami ang indong kontaken. Kaministiran tang buaten dia tenged marake ang mga “cracker” sa cyberspace.
  4. Kadabis nga mag komintar kamo digi sa CP, ang indong I.P. address (Internet Protocol) ay aga register ig dan kami lamang ang kakakita, ing poprotiktaran amen dan, ara amen i papaskinan i basta basta. Dan maman indong ticket ig aga prowiba nga kamo maman dan. Kung anono man indong ing kokomintar kamo maman da ang mi ana i dan. Risponsabli kamo dian.
  5. Ang Cuyo Press ay ing oman-oman nga ara amen i babaritan kanindo kaisan, animan oblisgasyon indong panginsapon kaisan-kaisan.
  6. Ang Cuyo Press ay mi mga paskin, ena-ena nga beken i’ sakto kaisan ang impormasyon. Kami aga sarig kanindo agod itadleng, piro magsarig kamo nga porabil kami mapaskin sigurits tama ang impormasyon. – Isara pa, ara amen i kokona nga ang ameng format ang indong osoyon sa pag sorolaten i Cuyonon. Tenged ara kita i pormal training dato anay, kung anono sa indong seleng ang tama, dato indong dasonon ang importanti mag irintidian kita.
  7. Ang mga links papakon sa ibang websites ay beken i’ kanamen, animan risponsabli kamong elaman kung anono indong ing papakonan.
  8. Ang mga tao o aran i tao nga akakaireg sa mga pakadlaw dan ara i engeda ig beken personal.
  9. Kami aga sarig nga kadabis mag email kamo kanamen, aga sarig kami nga ang indong email una sa tanan ay valid ig  ing riripara indo ra para sa ameng mga bales, agod kapadayon kita anono man indong toyo.
Advertisements