Ang Oring Babai nga Cuyonon

Impisan ko akeng ena-ena paagi sa pakiman nga – Anono manda kabay ang tipikal nga babai nga Cuyonon? Sino ang Oring Babai nga Cuyonon? – Akeng sabat, darwa ra. Ona, ang babai nga Cuyonon dato anay. Ig ang sa panimpo dadi.

Ang maga seled nga lagi sa ateng paino-ino ay mademen, mainayen, maasikaso sa balay, maantigo ag loto, magasirbi sa anang asawa, maga-epet anang mga bata ig anang mga apo pag-abot ang oras.

Dia manda kabay maman ateng aliliagan sa isarang babai nga Cuyonon? Sanda kabay manda maman den ang oring babai nga Cuyonon?

Ako agkolay sa isarang pamilya nga akeng mga gorang-gorang  parihong aga-obra.  Mi tatlo ako ka bogtitinay nga babai – apat andan tay alemes ang sakabilog sa idad nga trisi anyos.  Kada isara kanamen mi mga kolokasyon sa seled ig loa ang balay.  Akeng saka manang aga-tabang i kopras ig aga-angkas sa motor i’ darwa ka “container” ang tobig agalin sa lansangan.

Ang aboboi pa akeng manang nga nalemes, agatabangan kami i’ pangakot ang binalangkan nga ega, ingseseled sa sako ig papasanen paoli sa balay para mi dongkol kami pag-abot ang tag-ororan.  Ang indi ko malipatan sa akeng manang nga dato, sa anang dorong kabatang idad doro ron anang nabasang mga libro nga pati ang mga biton (constellations) kaya na ren i’ pangaranan.

Maintras aga-kolay ako kanamen sa Pawa, toladato ameng sitwasyon animan para kanaken ang babai ay indi ta poiding ibetang lamang sa balay tenged nga katamang ateng kaisip boroaten tang mga lalaki, kaya anda ra iboaten ig magkaisan mas maantigo sanda pa.

Sa modirnong panimpo, anono manda kabay ang babai nga Cuyonon?

Ara sanda ing-iban sa ibang babai digi sa kalibotan. Aga padengan sanda sa ing papakitaw ang timpo. Maaski anono pa anang kolokasyon o maski adin tana pang impayangat akaabot, poira pa sa ingkakadengeg na anang inalinan o irinsiya, ing-epetan na anang intigridad bilang babai ig bilang tao.  Aga-batok tana sa tanang kakorian ig maski anono pang pang-ayat nga ingpipilak kanana ang pangaboi.  Ing-ririsibi o ing-akes na ra ang tanang katelesan nga natatabo, mga makabagong koltora ig mga tiknolohiya nga agaloa dadi sa kalibotan.  Ang pinaka-ona sa tanan maski samoro tana ka-iseg ig ka-modirno bilang tao digi sa kalibotan, ara na enged i’ lilipati anang inalinan bilang Cuyonon.

Tenged aga oman  ang timpo aga oman da ang mga tao ig kitang mga Cuyonon katabid. Sa mga Oring babai nga Cuyonon dato anay, matamang salamat sa matitinlong kinaogalian nga indong ing papakita sa indong pamilya. Sa mga Oring babai nga Cuyonon sa timpong dia, aga salodis kami sa baskeg indong lebang mag batok o magsabay sa ayat ang timpo. Ang kataman mas successfull pa sa mga lalaki (No offense meant, its a fact). Sa mga Oring babai nga Cuyonon nga mas ing pili andang magpasala sa aten ig bantayan andang mga gorang-gorang, Ara ren mag daeg kanindo.

Tatlo ka oyen i babai nga Cuyonon akeng akikita, sino enged kabay ang Oring babai nga Cuyonon sa timpong dia? ig Sino sa seled i sampolo kadagon impisa dadi? – Kung mabasa kabay i ang mga Oring babai nga Cuyonon sa seled i sampolo kadagon impisa dadi, maintidian anda kabay ang aka solat digi?  

[Obra ni Palaminko ing dogangan lamang ni banabanen]

Advertisements

5 thoughts on “Ang Oring Babai nga Cuyonon

  1. banbanen

    Ona sa tanan @Palaminko, I am sorry to hear what happend to your sis.

    Pangarwa, matamang salamat sa pagbales sa imbitasyon. Well said. Midio ing dogangan ko lamang i maite and i hope ara narangga ang imong maliag ipabot nga minsahi.

    have a good weekend buddy!

    Like

    Reply
  2. penet

    Bravo Magnifico! Ay dia ayamo ag espanyol ako ron. Alipatan ko andan ang ateng limeg ang mabasa ko ang artikulo nga dia ni Palaminko na ing dogangan ni Banbanen. Animan ara ko i sasampora anay digi ay moro na ing elat ko talaga si Palaminko. Perfecto! maski ang gamit ang cuyonon. Sa mga kundia ta masasarigan si Palaminko. Kudos!

    Like

    Reply
  3. balenek

    palaminko , banbanen. Tinglo indong minsahi. Sori sa nainabo ki manang mo. Indi ko enged malipatan kano daya Aga pasan kami ra dongkol akeng manang . Kaysan baya sa ameng ka torpe akeng manang , asilag ig yng bisaran kami ameng kamalay moro ang andang bakod ang ing buat ameng dongkol moro naorot don ang ameng sinako. Patawarin kami sa ameng kalokoan. Dadi kong aga byahe kami aking manang digi sa California todo ameng kadlaw sa mga asalapuan kano dayang midyo bata bata pa kami sa Palawan. Maman manda ang mga babai dadi beken den lamang sa balay, aga tabang da sa lalaki. Piro pag abot sa balay aga buat pa manda kung anono pang obra . Tapos aga blog pa digi or aga Facebook pag ara ren obra( andan lamang) Mga tangay sari FB kung doro pa kaburing ang balay ha ha.

    Like

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s