Ang plano ang Cuyonon Baragatan Foundation sa ateng Simban

Nakaampang den i’ ang Cuyonon Baragatan Foundation si Fr. leovy magbanua, ang parish priest sa cuyo, ig ing patadeng na ren ang pag loat i’ ang mga antique nga baldosa sa ateng Simban, poira sa pira kabilog nga aglolotao don ig nasasapdo i’ ang mga aga sirimba.

Maliag i’kon, ag nosir ateng lisang sa FB ig digi sa CP. Piro akeng aliag andan i’ patikasegan ay ang pagpalista i’ ateng simban bilang “Heritage Site” tenged nga isara dia sa mga kalagian nga simban sa Pilipinas, gorang lamang i’ maite sa University of Santo Tomas nga dadi aga silibra ren i’ anang 400th year. Grabi no?

Mga kasimanwa, kong sino man ang katatabiang sa prosiso i’ ang pagpalista sa National Historical Commission o Natonal Museum o anono pa man nga opisina nga maimo tang mapangaraba, patigayon kamo ra mag pakig-baritan kanamen digi sa Cuyo Press o sa Facebook Cuyonon Baragatan page.

Ing ako ron ni Fr. leovy ang parting dia tenged nga tana ra kono ang chairman i’ ang Cultural Society i’ ang simban piro mas mayad da enged kong mi follow up kitang maboboat bago daya?

Kapira ako ron i’ tawag sa National Museum tay indi ko enged makampang anang Director. Sa Puerto mi ing tokod nga opisina si Gov. Baham nga makon Provincial Cultural and Historical Council ig kapirang bisis ko ron da ing contact anang director. dato lamang anang sabat pirmi ra lamang – “een, i’  “follow up ko”. Beken i’ masanag nga sabat dato aman?

Isara pa sa ing kakaliek ang Cuyonon Baragatan Foundation ay ang iba pang orobraen sa ateng ing papalanggang simban. Anang atep kono aga tororo ron animan maliag andan magpatabiang si Fr. leovy sa pagpakomponir. Anang ing seseleng nga gagastoson aboton i’ 1M PHP –  apita indo lamang ang  Cuyonon Baragatan Foundation, para sa marake pang impormasyon inaling intirisado kamo sa bagay nga dia.

Basipa rang indi indo isipan i’ maraet ang ing boboat nga dia i’ ang mga Cuyonon digi sa Manila. Ing impisan amen lamang dia agod basipang mi magdarason. Kong beken kita mismong mga cuyonon ang magtarabiangan dadi, saben sa pira ka adlaw pagbalik ta sa Cuyo ara ren ateng pinalanggang banwa, ing angken den ang iba aman?

Matamang salamat po ig kaloyan kitang mga Cuyonon ateng Gino’!

[Obra ni Bagasay]

Advertisements

3 thoughts on “Ang plano ang Cuyonon Baragatan Foundation sa ateng Simban

  1. palaminko

    Sa akeng panid dapat tang i padaran i formal request ang National Historical Commission o Natonal Museum para i-declare nga Heritage Site o National Shrine ateng simban. Ang request mi katabid nga proposal o rationale kung ayamo dapat tanang boateng Heritage Site o National Shrine. Ang sulat poidi ag alin sa Cultural Society i ang Cuyo, o sa Cuyonon Baragatan Foundation, o sa Palawan Provincial Cultural and Historical Council. Ang labi pa ren da engeng matinlo kung joint ang solat ig saka proposal lamang ang i-submit para mas mabaskeg ang impact ang request.

    Parti sa pagpa-repair dagi akeng darwa ka sintabos:
    a) matinlo ra dia i boatan i proposal para mapadara ta sa mga interested parties laypa sa mga entities, local o foreign, nga andang advocacy ay priserbasyon ang mga toladiang heritage sites.
    b) ang isarang poidi ta i rapitan para sa pondo ay ang Spanish Government. Ateng proposal poidi ta i pa-indorsoan sa Recollect order digi sa Pilipinas para mas mabaskeg. Ang mga pading Recoletos nga mga Español ang agpatindeg ang simban dato anay animan indi sanda ra sigoro ag inga andang tabang para mapriserbar andang legacy kanaten.
    c) fund raising thru raffle o donasyon. Sa akeng panid madali lamang ag-raise i P1.0M paagi sa raffle ig donasyon. Dorong Cuyonon ig mga pilantropo nga manggaden nga mayad anang leba animan sinsilyo lamang kananda ang magtaw i mabael nga kantidad.

    Like

    Reply
  2. bagasay

    matamang salamat palamingko. ang cuyonon baragatan foundation ag solat den sa national museum tay asta dadi baya ara sanda bales. mga sobra sa tatlo ron ka bolan amen sanda i’ solatan. maman dato ameng ing papa-follow up sa palawan cultural and historical council tenged ang timpong magsolat kami anang curator i’ ang national museum sa puerto.

    ampang kita kabalik ako ngani sa aten next week.

    Like

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s