Matamang salamat ig maambeng nga Kapasko’an from CP

Maambeng nga Kapasko’an sa tanan!

Sa mga Cuyonon sa bilog nga kalibotan nga akeng nasakitan both direct and indirect, pa’agi sa mga toltolanen o mga paskin digi sa CP, apakitaw ako dispinsa kung mi dian man.

Sa mga ara i sosorama ig ara nalilipat sa CP, matamang salamat sa indong ing tataw nga oras sa pag bisita ang CP. Elam ko nga mi mga kasimanua kita ra nga aga paranodila lamang ig magpataka ngis-ngis ig matamang salamat da kanindo.

Sa mga ag silibra andang kinabata nga ara ko nadayaw digi sa CP, pasinsya ra. Beken maliag i kon ing ignore ko kamo. Masyado lamang okupadao si Banbanen ig mag kaisan ori ren porabil ako ka tolaos sa CP, ag katon imoro nga nalagted ako sa 24/7 backend support sa akeng obra nga maski ig paranari ko ren lamang kaisan ing tatawagan ako pa. Ing papasanag ko dia ay mi mga tangay ako ra nga aga text ig aga tawag kanaken nga kaisan tatlo ka adlaw porabil ko mabales kaisan alilipatan ko ren. Oman pasisnsya. Basipang maintindian indo ra.

Sa mga ing bayan andang ing mamal, pangadi ren lamang akeng katatabang kanindo nga basipang padayonon sanda ateng makagagaem sa porgatoryo. Elam ko ang indong kabegatan o naging kabegatan tenged ako naduran tatay datong 14 years ako pa lamang.

Sa mga aga taw andang inputs paagi sa email, matamang salamat da. Napasanag ko ren da kanindo kung ayamo kaisan indi pwidi ig salamat sa pag intindi.

Isara remang mapongaw ig maambeng nga dagon ang ing agian ng Cuyo Press sa dagong 2010. Sa indong pagbasa lamang i ang paskin nga dia, aga pakita nga kamo intirisado ig isa reng certified Cuyo Press addict (joke).

Baragat-bags (kita-kits) sa pag kanwang ang CP sa lima kadagon sa 2011. Porabil magsailo ang dagon sa pira ka adlaw, aliag ko ipabot akeng mabael nga pasalamat kanindong tanan ig Maambeng nga Kapasko’an.

Adios 2010 😉

Uy salamat gali sa imong timpo nga basaen diya ah?

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s