Kung ayamo besak den ang Bato ig gisak den ang Panio. Kung ayamo indi ko kapasanag ang bisarang Banget. Kung ayamo’ si Nanay asta si Tatay ara ren i’ pagpamagatnan. Kung ayamo’ patay den si Siloy. Kung ayamo ang  Buyok ara ren’ tubod ig indi ren kapuno’ saka Sunggo. Kung ayamo sa Tubunan ara ren Asin. Kung ayamo ang Tipano’ basio. Kung ayamo malasay den ang Combo. Kung ayamo ang wa’-wa’ indi ren maliag ag king-king. Kung ayamo sa kapoporo’an mapongaw. Kung ayamo si dodoy deman ang aga birgwiri. Kung ayamo ag puti ren ang bato. Kung ayamo indi ag nonot akeng ginawa sa imong Sida’. Kung ayamo mag abot beken ubanen.

Kung ayamo na’uri ka ren i’ mayad. Kung ayamo maboring kaw. Kung ayamo mapongaw kaw. Kung ayamo ara ren mi aga bisita kanimo. Kung ayamo ara kaw i asinso’. Kung ayamo ara kaw i’ disiplina’. Kung ayamo malised kaw ig aga dogang pa lised. Ara iba’ kasalanan ko!

Obra ni Banbaen

Related Posts: Sino Ang Cuyonon? –  Ikaw beken kami, ig kami beken para kanimo