Ameng aliagan Lato, Imong aliagan Yahu,

Ameng aliagan Porongitan, imong aliagan Tarampan,

Ameng aliagan mi Barasuran, imong aliagan ipilak lamang sa Dalan,

Ikaw beken’ kami ig kami beken para kanimo.

Ameng aliagan sa Pantalan, imong aliagan sa Kamarikutan,

Ameng aliagan magkarawat sa Balanaw, imong aliagan magkarawat Kalayo,

Ameng aliagan Kambengan, imong aliagan Kambingan,

Ikaw beken’ kami ig kami beken para kanimo.

Ameng Aliagan Bilog, Imong aliagan Lapad

Ameng aliagan sakto sa oras ang Pasowildo, Imong aliagan Maatraso,

Ameng aliagan Tarangayan, imong aliagan Parabogalan,

Ikaw beken kami ig kami beken para kanimo.

Ameng aliagan Lanaw, imong aliagan Langgao,

Ameng aliagan kami ay Suportan, Imong aliagan ang Kabaliskadan,

Ameng aliagan Irintrimisan, imong aliagan Tsirismisan,

Ikaw beken’ kami ig kami beken para kanimo.

Ameng aliagan magpanari, imong aliagan bakodkod nga pirmi,

Ameng aliagan magpananem i Bakaw, imong aliagan Bulogon ig Magpanakaw,

Ameng aliagan matitinlong klasi isda, imong aliagan dara’en sa Manila

Ikaw beken kami ig kami beken para kanimo.

Ameng Aliagan Suran, Imong aliagan Shuran,

Ameng aliagan Tarabangan, imong aliagan Kaisbotan,

Ameng aliagan ang Kamatodan, imong aliagan ang Kabotigan,

Kami beken ikaw ig kami beken para kanimo.

Obra ni Banbanen