DENGEG CUYONON

Mga bogtitinai, Mabuay ta reng arampangen sa cuyopress and isarang andem nga makatabang kita sa pagbui, pagpakilala, pagparabong ig pagpadayon-dayon ateng kulturang Cuyonon. Animan sa cuyopress ateng arampangen sa cuyonon bilang isarang padayon ig pagbui sa andem nga dia.

Narampangan ta ra kanudaya ang mga kelba ig aburido ateng isip ig taguiposon sa mga bagay nga dia. Makon kita “ aruy mag-uli ako sa Cuyo, ang mga bata andang limeg tagalog dun, beken den Cuyonon.. adudura ren ang tipano, sayaw, comedia, mga kanta, maski ateng ati-atian medyo beken den atenanen”.

Sa ag lebas nga mga dagon, alilipay kita nga duro ra gali agburungkaras sa pagkabetang nga dia, aneman duro ateng kalipay ang makita ta nga nabatian ta ruman ang tipano, ig mga bata ig maski babai aga turogtog dun y tipano. Nababawi ta ruman ang ati-atiang Cuyonon, nababatian ta ruman ateng mga kanta, ig natitirapan ta oman ateng mga saot. Mi mga bagong grupo ang kabatan nga nakacoromposo y modernong musiko sa limeg nga Cuyonon.

Aliag ta y parabungon ang mga ing umpisan nga dia, ig magpadayon-dayon. Aliag ta i-pabot sa ateng mga casimanua nga duro katinglo ang mga bagay nga dia. Aliag ta y pabot sa tanan nga kita nalilipay ig saludo sa andang mga patikaseg. Aliag ta y kunon sa mga kabatan nga  indi anda ikaeya ateng limeg ig kinaugalian…

Dia ang rason animan natao ang “ DENGEG CUYONON”. Isarang pag-taw y pagkilala sa mga kabatan ig mga casimanua sa anang obra sa pagbui, pagparabong ig pagpadayon-dayon ateng kultura.

Ang “dengeg cuyonon” say isarang cuyopress initiative. Aliag kita mag-taw y medalya, certipiko, ig kung matugot ateng pondo, “ educational incentive” – pondo para maka tabiang sa pag-aradalen ang mga bata mga may may interes, talento, taguiposon sa pagparabong, pagbui, pagpadayon ang Kulturang Cuyonon.

Kada bulan ang Marso, paagi sa isarang Cultural Committee ang cuyopress maga taw “awards” ang mga “graduating students” ang elementary, high school ig college sa banua ang Cuyo tenged sa andang contribusyon  sa pagbui, pagpadayon  ig pagparabong ateng kultura.

Ang bagay nga dia ay posibling magbael ig sakepen na ang pag taw ang “DENGEG CUYONON” para sa mga kamamalaman o maski sa mga casimanua nga nagkara-una ren kanaten sa luyong kinabui.

Ing andem ang “awards” nga dia nga magrake ang mga kabatan nga magpatikaseg sa pagbui ang kultura ig mi dengeg andang ipabunayag sa bilog nga kalibotan ang katingloan ig ara kapariong kulturang Cuyonon.

Mga Orobraen:

A. Organizing. Sa dadi aka times kita ren y grupo sa ateng banua nga maimong “Cultural Committee”.Anang buruaten maman ang aga darason:

1. pagbuat y “ criteria o standards” patinged sa mga kabatang pueding magrisibi ang awards nga dia.

2. maga-“screen” o magpili ang mga kabatan nga aka-abot sa standards..

3. Pagpasanag, pagpaelam, pagpakigampang, sa mga manigdumara ang mga schools atetenged sa bagay nga dia.

4. Maga-award sa aran ang cuyopress sa mga kabatang napili, ig mapasanag sa mga estudyate sa importancia ang bagay nga dia.

5. Mapatigayon ang mga kaministerang pang buruaten para sa cuyopress agud matabo, mapadayon ang proyektong dia.

6. Mag-documento paagi sa sulat ig litrato agud ma report ang proyektong dia sa cuyopress.

Sa dadi mi dian kita reng mga volunteers para sa Cultural Awards ( Mr. Ramil Ceralbo, Mr. Joselito Balmonte, Mrs. Maryrose Sabando Quejano, Mrs. Rowena Perez Magbanua, Stelle Marie Paras ig iba pang volunteers katabid si Bagasay.)

B. Medalya. Aka pa hulma kita ren da y medal (2 ½ in diameter). Anang design concept ag alin ki bagasay ig ing tawan kabui sa pag-drawing ni Makalam. Anang igot i dia design ang tradisyonal nga patadyong ang Cuyonon.

C. Certifico. Ateng certifico, anang uluan ay ang Official Logo ang cuyopress ig mi subscript nga inglish. Ang Official Logo design ni Sapi-sapi Aripuros.

D. Funding. Katabid si Kuday mga abri kami y account number para sa project nga dia ig irereport sa cuyopress ang bilog nga pondo ig ang ing pakunan ang mga expenses.

Ing ingbitar ang tanan nga miyembro ang cuyopress nga suportan ta ang mga bagay nga dia sigun sa compormi tang matatabiang para padayon-dayon tang parabongon ang Kultura ig kinaugaliang Cuyonon.

Matamang Salamat

Advertisements

11 thoughts on “DENGEG CUYONON

  1. banbanen Post author

    Ipes Padi kablita ako lamang kung inoro ko ipapadara akeng tipan nga patad kanimo. Salamat ingan sa leadership nga imong ing papakita ig suporta CP

    Like

    Reply
  2. palaminko

    Padz, dorong katinlong inimpisan dia ig dorong kaambeng sa leba nga sa wakas, matatabo ron da enged ateng maboay deng arampangen tenged sa bagay nga dia. Matamang salamat kanimo ig sa kanda Nabs.

    Akeng kakokomintar lamang ay ang tenged sa awarding nga boboaten kada Marso para sa mga graduating students. Pasamaoro ang mga out-of-school youth (OSY) nga aliag agpartisipar o mianang innate talents?

    Matinlo ra siguro nga magtaw kita ra i award/s kada pista i San Agustin (kung kakayaen kada barangay, mas matinlo andan). Aka-kon ko dia tenged nga midian enged nga OSYs sa mga kababarioan nga mantigo ag saot i sayaw, o agtogtog i tipano, o mi mga binoatang matinlo para maparabong ateng kultura.

    Like

    Reply
  3. banbanen

    CORRECTION SA “C” ANG ANG DESIGN ANG LOGO BEKEN SI SAPI-SAPI,

    IPES PADI PATIGAYON NGANI ISAMBITEN KUNG ADING LOGO IMONG ING KOKON?

    SI SAPS MORO ARA I PARTISIPAR. –

    tHANKS FOR PAYING ATTENTION TO DETAILS ARA IBA KI SAPI-SAPI NGA MAMAN ANG AKA PANSIN

    Like

    Reply
  4. banbanen

    Parutos:

    I think si Aripuros maman ang ag design kung ara ako i kakamali tana maman ang ag daeg nga aliliagan ang kataman.

    lagat de man mapangita ako anay ag salet ako lamang ay mi red flag si saps kanaken animan ing tatadleng ko nga lagi

    pasensya ara ko na proof read sa sobrang ka okupado basipang aintindian indo ra.

    Adios anay

    Like

    Reply
  5. bagasay

    ipes padi, sa holy week beken ako pa sigurado kung kakao9li ako piro sa katapusan ang mayo, babang luksa ki mama, sigurado doto ako. anono kabay akeng mabubuat para sa dengeg cuyonon?

    sabagay, with the technology now, madali ren da lamang i paabot sa isara mi isara ang mga arampangen. basipang makabaragat kami i ang mga committee. ang buay den akeng sagiap ki jobal tenged nababati ko manda nga inspirasyon tana i ang mga batang musikero sa cuyo tay asta dadi ara ko pa enged nakikilala. dia kabay indi ta sanda maingganyong mag intra digi tutal mi internet den da sa cuyo. patigayon lamang i paabot. kokonon ko ra si ramil, kami fb friends da.

    Like

    Reply
  6. ipes padi

    bagasay, si jobal ag register den sa CP tay medyo beken mahilig mag abri internet. kung aga abri, anang inga abrian cuyo press da lamang. Een, pwedi kamo ag baragatan. Patigayon ag pakig ingoan ki ramil ay da sanda pirmi a kiritan..

    bans, bagaten mo dia ang grupo.. brainstorm kamo pa mga posibilidad para sa dengeg cuyonon project tabid si bagasay. Duro andang ing isip para sa Kultura. kaministeran ta y suportan. Dan di wena pwedi na i kontak ig timesen ang komite

    Like

    Reply
  7. banbanen Post author

    Ag meeting kami say bagasay, sa Cuyo tay ministir ta pang magbel permit sa minisispyo, nga maman da ang ing asikaso ni Bagasay asta Karandol sa mga timpong dia. Dan i update ta ra digi sa CP.

    Like

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s