Ara ren

Ing sasagiap ko dadi, ang matod nga gegma. Ing sasagiap ko dadi ang matod nga sadiling aten. Ang kostombring Cuyonon nga ag alin pa sa unang Tribu. Indi ta ren maripara, indi ta ren masintian. Ara ren!

Patarereki  indo ang mga luha, sa’din ang gegma, ang gegma sa ateng banwa? Ara ren ang gegma – ang gegmang Cuyonon. Ara ren ang kostombri – ang kostombring Cuyonon. Ara ren ang kanta – ang kantang Cuyonon. Ara ren, Ara ren. Ara ren ang rispito sa ateng masigkatao, Ara ren!

Ing sasagiap ko dadi mga tao nga ara Pusil. Ang matod nga maiseg.  Adin den ang kasilinsyo’an sa ateng banwa nga aga pakaturog sa mga bastek nga ara pa leba? – ARA REN!

Adin den ang mga Puno nga matata’as? nga ing lalalaw kita seleng nga midio sa Paraiso?-  Ara ren. – Ing sasagiap ko ang PO asta ang OPO. Adin den? – Ara ren. – Ing sasagiap ko ang tadleng nga paagi sa ano mang bagay. Adin den? – Ara ren.

Ing sasagiap ko ang akeng ing betang sa Truno’. Aga tangis akeng leba’, pegan man i luha’ indi enged ag luwa. Kailo ako ra. Ara ren! – Ara ren, tenged mi mga tao nga boray maski abri andang maslek. Indi anda makita ang andang sadiling antihus. Mi mga tao nga ing igotan anda andang sadiling alima. Ing tatalikodan anda ang mga problima.

Kabay ARA REN manda? – o saben ara ko lamang naripara? – O ing papabayan ta lamang?

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s