Way sa Cuyo ing gagamit kung aga b’wat i Nigo. Kabay mi Way para sa aten? Adin ag alin dia? Anono pa anang ibang silbi?
Photo by: Bulalo
Way sa Cuyo ing gagamit kung aga b’wat i Nigo. Kabay mi Way para sa aten? Adin ag alin dia? Anono pa anang ibang silbi?
Photo by: Bulalo
Ang way ing gagamit namen na pangtuog ameg ing titinda na isda na dinakepan sa penet. Pero da ing gagamit da anang mga gurang-gurang i lokus sanda i Mang Asias sa pagtuog ang bulalo.
LikeLike
PENE
T dan c mang asias beken ang taga amen sa suba?
LikeLike
Ang Mang Asias na akeng ing kokon ang taga Tukadan. Anang tatay ni Odelon na dadi a pangmatada ra.
LikeLike
Penet …correction…Si Mang Asias tiyuhin y Ode. Anang tatay y Ode si Tay Joe. (joe-tay ang buhok).
LikeLike
Si Mang Asias taga Maringian, bogtitinai tana i Mang Joe.
LikeLike
dan, ing korek ka ren anang mga kamalay!
LikeLike
WAY!!! dige mi WAY!!!!da.AyamWAY!!!!
LikeLike
SA Bisaya ang WAY – ARA … di ba Penet? 🙂
LikeLike
Ang WAY manda sa binisaya ay ARA. Pero andang tawag sa WAY na SIKSIK ay UWAY.
LikeLike
Imamatskie, way da mawat… hae hae hae…
Asta sa dadi mi katri kami pa sa balay nga soliya nga binoatan i tatay. Sa tanan deng kaprisko i inggan ay ara kaministiran i kutson tenged nga banig enged lamang sabor ingan ang katurog.
LikeLike
Ang isarang disbentahi lamang ang katri na way ay ing seseled anang mga lubot-lubot i surot, animan a kakamata kaw kung ing tegbek ka ren.
LikeLike
Dato lamang manda ang problima sa solihiya pag ing pisti ren i sorot. Pagmata mo sobra pa sa ingpepengged imong likod asta boli, hae hae hae hae…
LikeLike
ang way mamang ing kokon nga rattan. sa akeng paneleng dia anang kolit i ang ateng ing tatawag nga siksik. ara kita rattan sa cuyo, dia produkto sa paragua.
kademdem ako ang paragua, aga pamakal ako sa NCCC Puerto, aga sorogoy-sogoy ang mga tindero/tindera sadin kono ang paragua. ing sabat ko nga ang paragua maman ang mainland palawan ig katabid den doto ang puerto – wi ang ka ispanta ingan ang mga dyaski!
LikeLike
Bagasay, dan ang mga Palaweniong lubag, indi kaelam y ang history ang anang lugar. Dan baya mamang acucurang sa curriculum sa elementary, andan ingtuturo re dan sa elementary pa lamang. Adedemdeman co ang una, ang agaturo ako pa SIBIKA, bago ako mag impisa ang libro, akeng ing ona y turo ang Palawan anay, con pera ka purong munisipyo asta mainland na munisipyo, kaimbeng den ang isarang siyudad. Kada grupo me dian sandang report asta cultural presentation nag agalin sa mga munisipyo nga andang ingrereport. maski beken y kaereg sa libro at least, me maite sandang naelaman tenged sa andang banwa. Macori lamang agbel y readings tenged sa mga munisipiyong bago, moro ang librong inggagamit kanodaya anang author si Manlavi pa, abaw ang karonot ingan den i paganoy ganoy sa mga bata, damparang.
Way dia, ara ren agameyek meyek…ang way manda agalin sa Paragua, sa kasosogudan pa dan ingtatabas ateng mga gorang gorang ang ona. Pera ka dagon den dato medio ang ona…ingbabawal nanda ren ang pagberelen y way, elam baya con ayamo, animan tulad sa dadi, ara ren ang mga sinulyihang mga katre.Ang me dian ang me mga licensiyang pwedeng magpambel y way, tay ara manda!
LikeLike
Barutan kabay adin agalin ang bisara nga way o wai…Ano kabay ang tama sa darwa? Kung base sa southest asia ang common nga word wai..Pwedeng aran i tao….Sino kabay ang akadiskubre ang way o wai ig ang gamit i dia sa pagburuaten mga bagay bagay?Pakiman lang…
LikeLike
Nong bunz, kung ara ako ikakamali, ang way ay agalin sa bisarang Hiligaynon piro andang ispiling ay “uay” o “oay”.
LikeLike
Way manda…Kundato gali? Ayuz Palz…
LikeLike
Tama si Ilog Palz…sori dadi reman akabalik…musta muz…dia baya si Buns, ako indi ra kaelam ang way con adin agalin nga term…pero ing save ako y Pals, animan apasalamat aco mayad kanana.
Amblig mga Ilogs.:)
LikeLike
Palz na check ko dige sa internet ang tawag manda sa rattan sa Hiligaynon “UWAY”…Ta sa cuyonon version ara ta ren igapilan ang “U” animan ag luang “WAY’ den lang….Koreka indo ako lamang…..
LikeLike
“uway” manda gali. Diaski akeng ingpakimanan nga Ilonggo indi na ra kuno maelaman anang ispiling animan ing leba-leba ko ron lamang, hae hae hae…
LikeLike
een manda… dan ang way ag alin sa paragua.. siksik ang tawag.. dan ing bubuat dang pamalo sa mga batang tegas barot hehehe dan baya maapdes da… hehehe
LikeLike
Kung ara ako ikakamali aka-agem dia si ipes pads palapdes i siksik ki tatay na, ha ha ha … midio ka enged baya kapapangi sa imong kalilies, ano… hahahaha…
LikeLike
beken lamang kaisara hehehe beken lamang pangi… ig mabaskeg baskeg ang lapdes… keras nga ara balikidan hahahaha…
dato mayad ag abutan kita pals sa CP hehehe.. slamat sa imong bales sa email…
LikeLike
pwedeng tama kaw Palaminczkie.sigurado akasamit c ipes padi.ang malas lamang manda ang ing papalo kung ara kaw y lola.pero kung mi dyan kepkep lamang sa patadyong.
LikeLike
Ipes pads, indi mo’y kun nga pati bangtas, hae hae hae… sa matud manda ang tubo-tubo ang bayabas midio ron lamang apwap kung kasamit kaw ang siksik laypa ang duro nipis – midio mapamulyaw imong kulit, indi ba?
Tama ka dian Imamatzkie, kung mi lola kaw indi kaporma imong tatay ay ing-adlekan tana ra ang tana ang palabakan i nanay na o anang panugangan, hae hae hae…
LikeLike
Aruy Immams ika siguro lola’s boy…Ok lang magkepkep lamang sa patadyong kung ing papalo indi lang ag sut…Hae Hae hae..Intremis lang…Godbless sa tanan…
LikeLike
Bunsawik,he,he……kung mabati ka lamang ang mga malam makon sanda enged:dodoy ikaw ang ka baryado.Mayad pa ag enem kita ang orange wine kanda nay nea.padasuna lamang c Rexelle pati c Om.
LikeLike
si rexel doro rong ka leban. adedemdeman na pa ra kabay ang ag lelebas?
LikeLike
Hayyy Immams…Grabe imong mimorya..Kung kaisan impapanemdeman ta ra ang ag lelebas ang kambeng da ipamatian..Ang mga happenings grabe..Ag tawag ako ra ang uuuwwaaakk sa orange wine nga dan sa likod ang stage ang SJA…He he he…
LikeLike
bunsawik beken kamang ang orange wine pati ren ang baby longneck he he.ademdeman mo pa sa bahay alak? me,,,….mories…….
LikeLike
Long neck, lapad, bilog, ano pa? Kuatro cantos name it we have it he he he…Animan ngani ing tawag nga bahay alak…Maambeng nga tarabidan dan lamang mapungaw da kung magbereblag..
LikeLike
Bunsawik ig bancalanen tangina ing pakadlaw indo akoay.kung kababalik lamang manda.Bunsawik ay indong arandeman y bensit sa tio doto sa commandante atatandan mo pa?
Bagasay ay ikaw mi contact pa ki rexelle?dato adin den?
LikeLike
akeng ilog na naging secretary ni atty. lagrosa ang aga barita nga ang leban den kuno ni rexelle. sa maynilad medyo aga obra, pasay anang area. pakimanan ko kung mi contact tana pa.
LikeLike
ha ha ha…Datu kabay ayamo manda ing pangian ko run ang balay indong kamalay…Ing nerbyos ako baya..Maliag ako andan ag balik kanimo duto tay ing adlekan ako ron…..Dia kabay kung mabuat kita libro, tapos ang mga istorya ateng mga aglelebas..Ano kabay anang kategorya..Makon sa palibot i ang sinian anda Tio Nenits..Dadi sa gabi pag seleng kamo ron ang sine babakbakan, drama ig pakadlaw…Hae hae hae….
LikeLike
Bunsawik aw dan Pay mi katabid pang suspense!!!!hae,hae……C rexelle kuno maleban den accdg.2 bagz.
Bagasay aber kung mabebel mo anang contact no?please!!!!!
LikeLike