Sa ibang lugar, kung magkasala ang Pinoy, ing sisintinsian nga lagi sigon sa batas.

Sa Pinas, kung magkasala ang pinoy, indi tana maliag masintisian, ay mali kono ang batas.

Sa ibang lugar, ing adalan anay ang mga pinoy ang batas, agod sigurits kono. Ing adlekan sandang magkamali.

Sa Pinas, pag agkamali ang pinoy, sorry kono ay ara tana’ mares nga dato kono kontra sa batas.

Sa Pinas, dorong kaliag ang Pinoy sa last day of filing taxes, kaisan ing dadaya pa. Kung magtas nga ang barakalen, rally nga lagi imbis nga magderep.

Sa Singapore, kung madakep kang magrikot, magamulta kaw. Ayos lamang kono kung sa pinoy, ay moro ag kontra tana sa batas. Piro kung sa Pinas dia matabo, riklamo nga lagi, rally nga lagi, people power nga lagi, ay mali kono ang batas nga ing papadalagan, maski elam nang mali tana ra.

Mga yangats dia pira lamang sa mga pakadlaw nga kaisan mi kamatodan da. Ayamo kabay ang pinoy sa ibang lugar, pwiding maging law abiding citizen, samantalang sa pinas, indi anda ma’bwat?