Anono Ang Gegma?

Kssst Plok! Unang botilya!

Maski ang una pang timpo, ang mga tao aga sagiap deng lagi kung anono ang maliag ikon ang bisarang GEGMA. Maski sino pang hinyong Pilosopo manong Badong, indi anda enged ma tombok kung anono enged ang maliag ikon ang Gegma. Ayamo kabay?

Ing samitan ko y b’waten nga APAT kadagon ang akeng pag-irisipen maintras apanenga-tengan ang akeng Sirbisa, ig basipang matawan ko y pakadlaw nga maliag y kon tenged ngani makori y isipen ang siryosong maliag y kon ang Gegma.

  1. Ang Gegma ay kung ang babai aga pa’mot, tapos ang lalaki aga panggit. Mapanaw sandang darwa ig mapataka singot-singotan.
  2. Kung si nanay aga timpla’ kapi ki tatay, tapos porabil na itaw igipan na anay’ maite.
  3. Ang Gegma, ay kung konan mo imong crush nga matinlo anang lambong, tapos sosoton na ren adlaw-adlaw.
  4. Kung aga ngirit kaw sa iba maski pilay ka ren alin sa skul.
  5. Kung ing tataw mo imong balon nga pagkaen maski ara masala kanimo

Pira lamang dan nga ag seled sa akeng paino-ino maski saka botilya pa lamang akeng apatomba, pabetang ta nga ako apat pa lamang ka dagon. Piro sa matinlong arampangen, Anono enged kabay ang saktong maliag y kon ang bisarang GEGMA? dia kabay dapat tang ilimeg o dapat tang ipakita? Ing samitan ko re’man y isipen kung anono ang Gegma sa idad nga trinta. Maintras aga pangarwang botilya ako ren.

  1. Ang Gegma ay kung y ongit mo ren lamang, ing tataw mo pa sa iba.
  2. Ang Gegma ay ara y elat anang masig ka Gegma.
  3. Kung kaya mo y taw sa imong kasaway imong matod nga yemyem, ara’ dodang Gegma dan manong badong.
  4. Kung kaya mong itaw imong kabui para sa isarang kabui dan para kanaken Gegma.
  5. Ang Gegma, ay kung saka bilog ka lamang nga aga bangkodo maintras ing isip mo imong mga maling nakarab’wat ang aglelebas nga adlaw o dagon ig ing isip mo kung pasamoro mo itatadleng.

Indi ko ra makon nga mali o tama akeng maliag y kon di ba? Konon ta ren lamang nga ako ron ang pinaka polpol nga tao digi sa sa kalibotan pag abot sa pag saragiapen ang maliagΒ  y kon ang Gegma.

Mi mga tao nga aga kon “Ing gegegman ta kaw” piro ara anda ra y papakitan! Mi mga tao da nga kitang-kita ren ang andang pag gegma sa isarang bagay piro ministir pang ilimeg o ibando tenged indi masintian ang iba.

Maliag y kon kabay dapat ang Gegma ay imbengen imong kaliek asta imong bisara? Pasamoro kung maraet imong leba piro sa idalem imong tagipuson mi paggegma ka ra? Pasamoro kung aga kunwari ka lamang sa kaliek piro sa idalem ang tagipuson beken da matod anang ing papakita? Makori bago daya?

Anono enged kabay ang Gegma?

Bala kamo ren lamang ag maramad, maintras ing papadayon ko ang pangatlong botilya.

TSIRSSS!

Advertisements

8 thoughts on “Anono Ang Gegma?

  1. bagasay

    kung aga patugay kaw sa iba, dan gegma.
    kung akikita mong maambeng sa anang kabui imong ing mamal, dan gegma.
    kung ing ambligan mo nga indi kasinti i kasakit imong ing mamal, dan gegma.
    kung ing sasakripisyo mo imong oras ig timpo para sa imong ing mamal, dan gegma.

    kung mi aga poroti ngani sa idalem ang mga daon, dato degma – hahaha!

    Like

    Reply
  2. Ameg

    Banzkie…Kssst Plok!!! ngani ang dyan…haehaehae!!! πŸ˜€

    Ang gegma ay kung luluton mo ron lamang imong ing pamalengkeng isda dayon mo pa y taw sa imong tangay…
    Banz, salamat gali sa Bangus, sabor ingan y sarurot ang tasik y ang sinigang… haehaehae!!! πŸ˜‰

    Tsirsss!!!

    Like

    Reply
  3. Bunsawik

    Ang Guegma kuno paru dya…
    Mi darwa ka maelam alam nga aga kaen sa restaurant. Siguro mag sweetheart..Ang una ag kaen ang babae mientras aga kaen ing babantayan i ang lalaki ang bawat ungit i ang anang ing mamal..Ing alalayan na sa pagkaraenen kung ing uwaw dun ng dadawatan na saka basong tubig..Pagkatapos i kaen ang babae makon tana Tay na tapos ako run dayon na ren i ubaden anang pustiso i tao sa lalaki ig makon Tay na ikaw ruman….Ing suot ang lalaki ang pustiso i magkaen…Dan maman ang guegma….Tapos ang kwento ..HaeHaeHae

    Like

    Reply
  4. palaminko

    kung pagmata indo sa timprano, paramuaten kamong laging magasawa maski ara pa kapapangalimugmug, dato beken lamang i gegma… hae hae hae

    Like

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s