Istoriang Kamatis

Mi isarang Pobri nga ag aliag ag obra sa Microsoft bilang office boy. – Ing interview tana ang HR, ig ing palimpio ang saleg bilang maman anang test.

“Risibi ka ren!” makon ang HR. “Itaw mo kanaken imong e-mail agod kapadara ko kanimo ang mga forms nga imong pipirman.”

Agsabat ang Pobri, “Ako ara’ computer, asta e-mail.

“Wi’ tay pasinsia” makon ang HR. “Kung ara kaw’ e-mail, indi kaw marisibi, ala larga.”

Ang kailorang Pobri ag alin nga ara pag-asa. Indi na maelaman kung anono anang bubuaten. Tenged mi $10 tana sa anang bulsa, agpakon tana sa palingki, ig, agbakal i’ KAMATIS.

Ing libot na anang kamalay ig ing pabakal na ang anang kamatis. Naubos. Ag dobli anang puhunan. Ing ulit na’ katlo ig naging tripli anang kuarta.

Sa adlaw-adlaw nga ing bubuat na dia, aga tama anang kuarta. Doto na naisip nga mabubui tana paagi sa pagtinda’ kamatis.

Ara i buay aka bakal tana anang sarakayan. Lima ka dagon ang aglebas, ang Pobring dia ay mi anang mabael den nga tindan. Ag umpisa tana ren i bakal anang mga insurance para sa anang nigosyo.

Isarang adlaw, agtawag tana’ Insurance Broker, ig agbakal tana i’ Insurance Plan. Datong matapos den andang ampangan, makon da ang insurance broker, “Tawan kanaken imong e-mail.

“Ako ara’ e-mail.” Sabat ang Pobri.

Nabereng ang Insurance Broker. “Ara kaw e-mail piro asinsado kaw?” – “Imagine kung mi e-mail kaw?, beken’ lamang dia imong mama’bot!”

Ag isip ara buay ang Pobri ig ag sabat, “Aw en! sigurits office boy ako sa Microsoft asta dadi!”

Dagi ang MORAL LESSON ang ateng istoria:

  1. Ang internet, beken pirming solution sa problima.
  2. Maskia ara kaw internet kung magbakodkod kaw i mayad puwidi kang maging milyonario.
  3. Kung ababasa mo dia, marapit-rapit ka ren sa Office boy/girl imbis nga milyonario.

P.S. Padaran indo sa e-mail indong mga tangay ang istoriang dia, puwira kanaken, ako masirado ren akeng e-mail, matinda ako ren lamang’ KAMATIS!

Advertisements

3 thoughts on “Istoriang Kamatis

  1. Lato

    ang tinlo ngan bans anang moral…dan maman ang natatabo dadi…kung mi brown out ngani down tools ang opisina tenged kung ara y kuryente indi sanda ka buat andang trabaho…kanodaya sarakit imong likod y fill up ang ledger katabid ang ruler animan bakodkod talaga…

    kung mi tinda kaw nga kamatis mas matinlo tenged kung mag bron out indi mo ren y paakal akalan ang kamatis…geret gereta lamang ig betangan y asin kung ara ipon o kung indi sepsepa o kagata ren lamang…syempre imong tinda pipilien mo ang presko…

    sino kabay ang supplier dyan???

    Like

    Reply
  2. palaminko

    dia baya mi anang kapariho nga istorya:
    Isarang executive agpakon sa isarang fishing village. akita na ang isarang manigpangisda ingkampang na.

    Aka-istorya na sa manigpangisda nga animan tana kuno apatikaseg mayad sa anang pangabui ag pamanggad ay pag-retire na mapatindeg tana balay sa marapit sa baybay para puidi tana agpangisda maski anong oras na aliagan ig magabakal tana kuno i barotong de layag para mapasyar-pasyar tana sa dagat langkoy don da i pangisda. tapos sa anang uto kuno maga-pananem tana i mga gulay ig ibang tanem.

    Pagkatapos na istorya, ingpatererekan tana seleng ang manigpangisda. Abebereng ang manigpangisda ay tana maski beken manggaden, ingbubuat na ren ang tanang bagay nga dato nga ing titingwa pa lamang i buaten i ang executive.

    Moral lesson: Mauruli ta ren lamang sa Cuyo ig magbuat ateng baroto i magpangiming o pangawil, hae hae hae hae!!!

    Like

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s