Senior Citizen’s Discount

Pademdem, istoriang pakadlaw! Cuyonon simpri ig alin sa isip lamang, ara’ kamatodan para sa ateng kambengan lamang. Beken’ kambingan a?, ig Cuyonon enged lamang ang kakamaramad’ dia!

Sa amen sa Kupang mi puno’ Kalamonding’. Ing epetan i’ mayad ang malam. Ing enged na ipabalayan sa Kutapdi. Ig ing pabantayan pa sa Tiu’.

Agtubod ang laway’ ang malam. Naingganyo tanang sepsepen, samitan, ang mangod nga kalamonding. Ag kababaga anang bibig. Dayon tana ka koriseng! Dorong ka’slem ang kalamonding. Agtiyeb-tiyeb ang malam sa apdes, tana gali mi sungaw init.

Abariado ang malam. Adayonan. Ag lagted tana sa luyong karsada. Maski aga uran, a’kanuang para enged ig aga udak sa kapor ang lugta. Buringisen ig baliskad pa anang tudong. Ing apu’an ang malam. Ag pangalubaybay den lamang sa kudal asta ka’bot tana sa kamakaslan. Doto na naripara nga tana gali mi bitbit nga Luag.

Aka ngisngis ang malam tenged namaramad na nga gamiten ang luag agod lapdesan ang Kutapdi nga agkagat sa anang bibig. Piro lipeng para enged ang malam nga midio akatomar i’ ta’lo ka basong tubang sibinti prup, animan, ag pang-ayat den lamang i’ Tiku’.

Ara’ mi agbatok animan ang babai nga tekagan den lamang ang anang ing pasipalan. Pagkatapos na’ ayod-ayod, ing tawan na’ saka iki ang babai’. Aglulo’mod anang tud, ig ing apu’an i’ mayad.

Ag suga-sugan ang malam asta ang babai’, kurang kono ang pliti. Asilag ang babai. Ing tampaling na’ wala mi tu’ ang malam. Ing tekeb na pa, ig ing teged-teged sa kudal nga Makasla’. Ag kayaw ang sugo-sugo’ mangalok.  Adogangan anang kalipeng!

Asilag ig agriklamo ang malam. Ma’nteng, marake ang Kalunggo, apangalamo’ daing nga Bararawan ig makatel pa kuno sa lubok nga Turingan.

Dapat batya-batya ren lamang kuno ang bayad. Sa anang kaerep, aka inglis nga ara sa oras ang malam. “I am entitled for senior citizen’s discount.”

Dogang na pa’ ugiaw…  “Ara ka’ galang sa malam, dapat kanimo ipabaranggay!” – dato lamang ag piyok’ maite!

Indi mo mamaramad? Siguro beken kaw’ Cuyonon ano?

Agabot pa’ sundang ang malam. Oooppss! tama ren, sagang den damparang!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s