Akeng Paino-ino sa mga Lilien

Dia ang pakadlaw nga dia indi ren masakayan ang mga kabatan dadi. (Beken andang kasalanan) – P’wira ren lamang kung naagian anda dia dato anay. – In fairness sa mga kabatan dadi, dia indi ra masakayan ang mga malam dadi kung indi sanda maliag ag kadlaw. Kalilito ano?

Ig dia ay ang akeng paino-ino atetenged sa mga lilien ang mga malam ang una. Impisan ko sa URING ig magatapos sa KUTI. –  Piro kung mi boronakan kamo, unaen indo anay porabil kamo magpadayon i’ basa’.

Sino kanateng tanan ang nakaagi ag dungkol ang uring? – Bago daya kung magaluto kita sa uring, ang anang buli ang kaldiro kaisan mi aga bagang maite nga midio sa Panget i’ bael? – Di ba?

Makon nga lagi ang mga malam, mi kuwarta konong magaabot! Piro ang kamatodan, dato gali ara lamang nalimpio matinlo ang anang buli ang kaldiro! Damparang!

Lagat maite, dayong karatel andang alima, makon de’man, ay talagang sigurits den nga mi kuwarta akaratel akeng palad. Piro ang kamatodan, maboring andang alima tenged agkarangmang sanda ang uring. hae hae hae!

Indi kamo masilag a? dan akeng paino-ino lamang. Igapil ta pa ang Kutsara. Kung maglagpak ngani sa saleg ang Kutsara, makon sanda mi bisita konong babai’ nga magaabot. Kung Tinidor ang maglagpak, lalaki kono ang magaabot.

Santisima! pasamoro ren lamang kung ang maglagpak ang serving spoon nga mabael? maliag i kon ang maabot babai’ nga mabael? hae hae hae! – Ayos lamang kung ara’ Pikoy!

Ang karake baya ang mga lilien ang una ano? Isara pa, ang Kuti nga aga paramos nga aga atobang sa Kasaplan. Makon nga lagi ang mga malam, malinaw kono ang timpo. Piro ang kamatodan, mi muri’ ang kuti ig aga imagine tana ang dagat maintras aga paramos, ay ang kuti indi kaelam ag eseb. Hay panulay sa kalibotan!

Speaking of Panulay. Kung midio mi ing sisinti ang iba nga midio kaiba’ dayon sandang laging patapa. Tapos aga paraet sanda ra sa magalua sa tawas. Nagaparaet sanda sa kokonon ang manigtapa. Piro ang kamatodan ang tawas kung sunogon mo, magaporma maski anono tenged nga dan Crystal ig aga kareres tana kung sunogon. Akareres ngani ang nanaulog sa niyog, ang sunogon pa kabay? hae hae hae!

Balikan ta ang Kuti’. Makon da ang mga malam, indi kono i kadlawan ay magapangilat? – Dato ang indi ako kaelam ag pasanag. Abir samiti indo ag kadlaw?

Sa mataged nga barita, for the sake of humor, dan akeng paino-ino lamang. Ig ing ririspito ko ang indong ing paparaet pag-abot sa mga lilien.

Bada bing bada bong, indi indo i marimon ang akeng ing pangsulat, ako aga pakadlaw lamang!

Mi dian pa kabay?

[BANBANEN]

Advertisements

One thought on “Akeng Paino-ino sa mga Lilien

  1. bagasay

    ….ang lilien nga indi ag parigos kung biernes ing osoy pa ra kabay dadi?

    ….ang mga lantsang cuyonon nga aga biyahe paragua aga osoy pa ra nga indi ag alin i biernes, aga pasailo pa i gabi para sabado ron.

    Like

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s