Aelaman Indo…? (Binuatan Creations)

Ang Binuatan Creations, isarang cottage industry nga aga buat i mga  Placemats, Bags, Window blinds, Sunscreens, etc. gamit ang mga indigenous materials nga pariho ang mga laket-laket nga ilamonon sa Kageban, ang mi ana isarang Cuyonon – si Eva Timbancaya Valledor?

Ang daragang Cuyonon nga dia taga Suba, sa o’bong lamang maite ang Simintirio andang balay, sa ing sangan ang dalan papakon sa Tabunan. Sa Suba Elementary Echool tana ag impisa adal ig sa PCAT ag tapos i high school. Tana isarang Civil Engineer nga graduate sa Palawan State University ig unang ag obra sa gobirno.

Maintras aga pamakon-pakon tana sa mga proyikto sa probinsia, nakita na ang mabael nga gamit ang mga ilamonon nga ara ta i sasapeta.

Ing adal-adalan na kung marasanong mapapakinabangan ig mabubuat nga matinlo. Ing kampang na ang mga babai sa mga lugar nga mararaye nga magtimes i diang mga rikot ig ing babakal na kananda.

Tay dia doto sa aten bago daya ateng mga lola aga arabel-abel da manda tag mamaintek ta sa iskwilan kita mi mga projects da sa home economics ig labi pa sa PCAT nga vocational school, ag impisa si Eva i pambuat i mga placemats nga naliagan i ang mga tao.

Agod makadogang, ag pangotang tana ra i starting capital nga P50,000 ig maman den dato ang impisa ang “Binuatan Creations”. Kanateng mga Cuyonon ara ren irisplikaran kung anono anang maliag i kon ang “binuatan” – (hae hae hae)

Sa dadi mi 130 ka manig-abel tana sa Puerto Princesa City. Napakonan ko ang isara sa anang darwa ka workshop ig mabibilib kaw manda sa kaekek ang batang dia. Anang showroom sa syudad 3 ron kabilog (ang isara doto mismo sa workshop), ig ag bakal ako ra ang para sa akeng balay nga mga placemats. Mi mga buyers tana nga ing export anang produkto ig ang matinlo dia, pwede tanang mag-customize sigon sa aliliagang design anang customer.

Sa dadi, doro anang natatabiangan ni Eva paagi sa Binuatan Creations tenged sa ang mga materialis ing babakal na sa mga taong aga iristar sa kageban ig madangmit nalilisedan. Ang mga ibang inabel i na sa balay lamang ing obra ang mga nanay animan andang mga pamilya ara ra napapabayai.

Isarang dengeg kanateng mga Cuyonon si Eva, ig basipang magtaw tana ra i matinlong ehemplo sa madarason pang henerasyon.

Kanimo Eva, Kudos ig salodis ang Cuyo Press kanimo!

Source: “Smile” Inflight Magazine of Cebu Pacific Airways pati ren da ameng istoryan ni Eva ig anang naranayen nga si Ms. Catalina “Katz/Tali” Timbancaya. Photos: Courtesy of Binuatan Creations.

Related Post: Simpli

[BAGASAY]

Advertisements

4 thoughts on “Aelaman Indo…? (Binuatan Creations)

  1. banbanen

    Kung ang “idea” or “ideas” ang isarang tao naimong kuwarta. Dan maman ang PARA KANAKEN isarang GENIUS o HENYO.

    Ig si Eva ay isarang HENYO ang Cuyo, Katabid na ang Ateng Kuana-unang Director nga sa Tayangaw.

    Ig ang mga tao nga tuladia nga naga taw i’ dengeg kanaten ay dapat ing tatawan i’ recognition.

    Ig Bilang Editor ang CP, dan lamang ameng katataw kanindo, ang ipaelam sa ateng mga kasimanua ang indong mga kinaelaman.

    Oman bilib ako sa Binuatan Creations!

    Like

    Reply
  2. kagaked

    banbanen – tama si bagasay… ikaw ay isara ra o kagapil da sa mga tarawan i recognition, atetenged nga kung beken kanimo ara ra ang ateng ingbabaragat-bagatan nga diang cuyopress…

    Banbanen, Tayangaw & Eva : “My Great Appreciations & Congratulations To All Of You!”

    Like

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s