Aelaman Indo…?

Kanudaya, ang mga Cuyonon nga aga pakon sa Antique aga dara i ipon nga ing babailo i kalamay?

Ang mga Cuyonon kung aga pang-Antique ngani, andang ing sasakayan pangko(ing tatawag dang sakayan). Isarang lantsa dia nga ara makina ig ing sasarig lamang sa angin ang pag bordahe i anang layag. Anang karga ang pangko nga aga alin sa Cuyo mga tapayan i ipon. Sa andang pag oli sa Cuyo, mi dara sanda reng kalamay (kalamay sa Antique, ing gagamit nga pang suman asta pang boti-boti), ig iba pang mga kaministiran sa poro.

Indi ta ra mabasol ang mga Antikanen kung ayamo ang una andang pagkaisip tanan nga Cuyonon manig ipon. Maski mabel-bael ako ron nababati ko pa ang mga komentaryo nga ang mga Cuyonon kuno “baho ginames” (ginames andang tawag sa ateng ipon). Ang pangko manda ara bintana ta indi ing tegem sanda ren ang pangalamo ang ipon – damparang!

Pero, ag oman andang seleng sa mga Cuyonon datong ag tabid sanda ren sa ateng poro ig ang iba ag parangasawa ren doto. Kaiban den digi akeng Tatay nga si Doan, anang Manong nga si Juando ig andang ilog nga si Tay Delfin Nalam.

Si Tay Delfin ang ag una abot sa Cuyo, ag obra bilang driver sa Cuyo Hospital ig aka pangasawa sa Cabigsing, ki Nay Gilda Socrates. Dason ing dara na si Tay Juando nga ing ato-ato anda ki Nay Charing nga Dangan, kamalay anda Nay Gilda. Tay akeng Tatay nairak, tabid tana ra sa Cuyo para mag sagyap anang papangasawaen nga Cuyonon. Aroy, pagkakita pa lamang kuno ki Mother, ing impisan na nga lagi intris – anang nanay. Mamang ing kokon, na kambak-kambak sandang tatlo i ang mga daragang Cuyonon. Impisa dato, ag tas den da ang seleng ang mga taga Antique sa mga Cuyonon ay ang mga ing pamangasawa andang mga solteros beken da “baho ginames”.

Dia akeng ag karabati lamang sa mga arampangen ang mga malam. [BAGASAY]

Advertisements

2 thoughts on “Aelaman Indo…?

  1. ipes padi

    makasalet ako… dian sa Antique mi sarang isal nga anang limeg cuyonon mismo…alipat ako anang aran ang islang dato…

    dan baya ang sitwasyon ang mga Cuyonon ang tiempong dato pario sa ateng mga tiempo… and mga ‘BISAYA’ ing seselng mga mababa sa Cuyo.. pero kung makapakon kaw iloilo.. pagkatinglo anang lugar ig marayad i leba ang mga ilonggo…

    Like

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s