Ang ing kokon nga “red rice” nga sigon sa mga nutrition experts masustansya maman ateng patebas sa Ang ing kokon nga “red rice” nga sigon sa mga nutrition experts masustansya maman ateng patebas sa Cuyo nga “COTCHIAM”?

Datong timpo nga si Datu Magbanua ang aga pamuno sa Cuyo, ing turuan na ang mga tao nga magpananem i paray – maman den ang “cotchiam” anang begas. ang mga matatas nga tao nga aga bisita kanana ing papabalonan na i tag sakong “cotchiam” kung maig alin den.

Ang “cotchiam” ing papabetang da nga “highland rice” tenged nga ara i tataneman sa basakan kundi sa mamarang lugta ig ing elat lamang nga mabunyagan ang maga abot nga oran. Ang pagtaranemen ing impisan sa pagpaligid (ing susunog ang mga rikot sa lugta), dayon panggas kung mag impisa ren ngani i oran.

Ag pamanggasan kami sa Igabas mga anem ka dagon don ang ag lebas. Primero maga tugda ang mga tao – lolobotan anda ang lugta i malabeg nga bitlag tapos doto i olog ang semilya ang paray. Katapos i dan, ang mga bata aga aragawan sa pag pukayaw – maga guyod sanda i mga sanga i kaoy para matampekan ang mga lobot nga ing betangan i ang semilya. Ang madason, karaenan den sa mga ag tarabang i obra. Maapok pero maambeng. Kung mi panggas medyo ra sa pista ay mi karaenan – estraviva!

[BAGASAY]