Query Sunday 18

Ang ag lebas nga pira ka domingo ag email kanaken si Ipes Padi. Ing barita na nga matod manda kono nga ang mga batang mairentek ay aga taragalog den sa Cuyo. Aliag na maelaman akeng ena-ena sa bagay nga dia, ig naisip ko nga ipa’gi ko ren lamang sa CP.

Una, ing ririspito ko, kung anono man ang rason ang mga gurang-gurang. Ing papangambay amen lamang nga basipang indi anda ra malipatan ang bisarang Cuyonon maski sa’din sanda magpakon. (Pariho sa mga malam ang una nga ma’arantigo ag English labi pa sa Cuyonon)

Elam da siguro ang kataman nga si tatay (RIP) ay taga Batangas. Ang maite ako pa, anang ampang kanaken tagalog, si nanay anang ampang kanaken Cuyonon. Ara ako ra nalito. Ag bael ako ra nga matandes ag limeg ag Cuyonon. Sa tao den lamang dan. Although mapongaw manda isipen nga tagalog ateng nababati imbis nga Cuyonon sa Cuyo mismo.

Katengdanan da i ang mga gurang-gurang sa aten nga turuan andang bata agod ma’ansyano sanda pag abot sa school. Idogang ta pa digi anang influence i ang Technology, Media, MTV, and SMS. (Adin na U? dagi na me! – kung ki Tayangaw pa)

Sa mataged nga barita dan ara i engeda i ang mga gurang-gurang nga pabayan ateng bisara. Dia natatabo lamang nga ara sanda’ kalibotan ig kung anono ang anang risulta sa uring timpo’.

Animan ngani ing tokod ta ang CP agod kung mag abot ang timpo nga ara ren ateng lawas, aka tigbas den sa bato nga kita ara i paketeng.

Para sa akin, okey lang mga Pare, mga Mare, mga Tsung, mga Tsang, na mag Tagalog tayo, basta pag nalasing kayo, huwag lang kayong MAGSASALID-SID sa daan.

[Banbanen]

Advertisements

2 thoughts on “Query Sunday 18

  1. PAKINASEN

    Maliag i kon kung ang mga bata sa Cuyo aga taragalog den, ang arampangen sa pamalay balay tagalog den da, animan maga abot ang oras nga madudura ren ateng limeg nga cuyunon. Ma’abut ang oras nga kung sa pagkaen pa “side dish” den lamang ang cuyunon ig ang tagalog ang pinaka sera. . . . Mapungaw nga paramatian dan. . Pasamoro kabay . . kung magkurulay ang mga batang dan ig ka’bot da sa ibang lugar, kabay ikakadengeg anda pa nga sanda cuyunon? Mi cuyunon nga indi kaelam ag limeg i cuyunon? DAMPARANG!!!!!!!!

    Like

    Reply
  2. banbanen

    On a Negative side kung babasaen ta ang joke ni kutaps sa istambay (No 33 March 24 2008) – Sa iskul bawal ang Cuyonon (Although in pratice marake ang aga Cuyonon sa iskul). Kabay ang Iskul isara ra sa mi sala’? – pakiman lamang dan, indi ag init indong talinga!

    On a positive side, ang iskul da asta ang Munisipyo ang aga patona-tona ang mga Ati-ati kada pista nga kung beken kananda saben indi kita ren kaseleng ati sa madarason nga timpo.

    So anono anang point akeng ing kokon? – Kung anono ang ing papakita ang MODEL maman ang usuyon ang mga ASPRING MODELS.

    Sa akeng comment, sino ang MODEL?

    Like

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s