EFFORT

Si  Dodoy aliag ag tabid sa anang mga tangay sa Lucbuan, sa Airport para mag joy ride.

Dodoy: Tatay, ako kabay pwidi ag tabid sa akeng mga tangay? Sanda matorokad sa LANDING, mapraktis ag drive i’ motor. Pagkatapos, mapamopo’ Santol nga labodan. ‘Moro sa imong panid?

Tatay: Ala larga basta mag-amblig kamo lamang. Indi ag telen ang alibotod ang santol dan matubo sa imong tian. Ooppsss… dan gali beken i LANDING. Dan EFFORT!

Advertisements

10 thoughts on “EFFORT

  1. tangay

    banz, ademdeman ko datu ang aga adal ako pa sa lucbuan. pag abot ang plin keras kaming lagi sa landing….ara paelam-paelam ki Mrs. Dimaala. pag abot sa landing apuap-apuap ang ikog ang plin…sa idad nga pito (grade 1) ara pa mi aka elam kanamen nga datu gali ang tawag …effort!

    wi siguro naintindian da ameng maestra nga first time kami lamang kakita plin animan inde ra ka agek….aga kudog lamang anang barut…damparang! 🙂 🙂

    inoro kita kabay maga katinir y gobernador nga taga cuyo para masimento ron ang effort nga dia? ig ara ren eroplano nga inde ka tugpo sa ateng landing kung maseleg ang oran?

    Like

    Reply
  2. Penet

    Tangay, matud manda dan. Kaministeran ta i gobernador na beken lamang kalilimeg i Cuyonon kundi anang tagiposon Cuyonon. Ang kaona kita ingan sa Coron sanda San Vicente na magkatinir i EFFORT pero dadi ang darwa ka munisipyong dia parehong mi INTERNATIONAL EFFORT don. Moro na ang gobernador taga Coron sanda ang congressman taga San Vicente. Andang EFFORT nga dan akakarabot pa sa Las Vegas para magseleng lamang ang boksing ni Pacquiao. Kung mainali ngani na mi mag tindeg na lider na Cuyonon, indi tay betengen paibaba na medyo grupo i tarawis sa lata, kundi buronyogan ta na itibungbong paubong. Dadi dian bala ren ang sa u’bon kanateng mga Cuyonon.

    Like

    Reply
  3. banbanen

    Tangay ako dian ag adal i’ bangking akeng bisiklita’ tay botil sa maiteng bato animan ag tikeleb ako, kamaite ako a’sumbing!

    Like

    Reply
  4. bagasay

    ako ag praktis da drive i ang jeep sa EFFORT. primerong lapak ang gasolina ing bungguan ko ang baby bus anda tio ely ponce de leon nga aga pameyeng sa kilid. ileng-ileng lamang si uncle roing nga libayen ni tia saning – hae! hae! hae!

    Like

    Reply
  5. Manok

    Aw dan ako dian da ag praktis y panakaw lutong langka y Nay Bien (nanay y Bisbis asta Binukan) sa EFFORT makita ako ang braman maturon pa sa eroplano akeng dalagan, abagreng akeng talinga.

    Like

    Reply
  6. kasoy

    aruy dan ako dian ag bael sa EFFORT nga dan ay ang maiteng lugta anda tatay nga ameng ing papamutayan kasoy dian enged. pag agatugpo o agapainit den ngani ang plin, dan dian enged sa ameng lua kudal. akikita ko pa ngani ang piloto asta mga pasahiro. atungtung ako lamang sa kabatuan. ambengan ako mayad pag mi plin ay marake ang mga tao asta sarakayan apakon EFFORT. kapungaw lamang manda nga asta dadi tuladato para anang pagkabetang ateng EFFORT. marake akeng mga mambeng nga memories sa lugar nga dan. mi kamalig kami dian na madangmit amen pakunan say alibangbang, tayangaw, kutapdi kanodaya.

    aelaman ko ang santol nga dang labudan. hehehe! mi kwento pa ngani dian tay saben asilagan ako y ilog kutapdi. hehe! mauli kami dadi sa abril calooy Dios, madugang ako pananem santol nga labudan agud kung kapasyar kamo ngani EFFORT, apit kamo lamang sa balay ag pamopo. hehehe!

    Like

    Reply
  7. banbanen

    Kabalik ako dan. Ang Tubig anda tay Ters dian sa mi EFFORT ang tamis ingan ig ang ramig pa ingan maski doro’ init sa ogto. Pinakamasabor nga tubig sa bobon ang akeng nasamitan. Tigbas indo pa sa bato! hae hae hae!

    Like

    Reply
  8. kasoy

    matud manda dan nabs. angka tamis ig maramig andang tubig doto. mababael paman ang kaoy doto sa anang kilid ang bobon.

    Like

    Reply
  9. kutapdi

    penet….ay ka inoro imong plano ag uli i magtinir kanaten? sa matod lamang… ang pariho kanimong maelam sa lai ig beken lamang mansiano ag limeg cuyunon… kundi mi tagipusong matod nga cuyunon ateng masasarigan nga maga patikaseg sa bilog nga probinsia para sa ikakayad ateng banua.
    basipa ren lamang nga indi ren da ag buay dan….

    Like

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s