Irimanan, Tarangayan, Tarabidan: ang istorya’ sa loyo’ ang EB

Obra ni Bagasay, Kadsi asta barebed (Ang andang pag EB sa London)

Kitang tanan digi sa Cuyo Press kapapa-igo-igo sa tatlo ka bisarang dia – irimanan, tarangayan, tarabidan – ig dia tenged sa ateng limeg nga cuyonon. Maski pa siguro ang ag buat i ang website nga dia sanda banbanen, bulalo ig kutapdi, kung aga irininglis o aga tirinagalog sanda doto, ilam lamang kung mi maga sapet nga pareho ang sa Cuyo Press dadi.
eblondon
Ang irimanan kung akong mag-isip maliag i kon, toromanan. Wi, ang katama gali ang cuyonon sa kalibutan maski ang ka ite ang porong ateng ing alinan. paagi sa Cuyo Press, ag irimanan kita, ig dadi matama ren ang ag tarangayan. Sa matud lamang, ang una maski aga kirilalan kita, indi ta makon nga kita aga tarangayan. Ara kita i sasarapetan, maski ngani siguro magpatas lamang ang lokon kung magbaragat, ara. Tay impisang mag kiritan kita, ag siri kita ren tarabidan kada kalagat. Basta mi timpo lamang, EB digi, EB doto. Ang ambeng i paino-inon nga aga tarabidan kitang tanan ig ateng limeg sakabilog lamang – Cuyonon. Sading lugar pa kabay sa kalibutan ang mi limeg nga tuladan? kanudaya, bilog nga Palawan, dadi indi ta ren maambo dan. Animan, sa ateng pag irimanan, pagtarangayan, pagtarabidan, buien ta oman ateng limeg nga Cuyonon, katabid den da ateng kultura, asta ang ateng banwa.
eblondon
Maski baraliskad-baliskaden ang irimanan, tarangayan, tarabidan, ara sapayan. Kada isara kanaten mi istorya enged kung ayamo digi kita sa Cuyo Press. Si sikad-sikad, kuday, barantiong, balaguen, banbanen, daguldol ig iba pa nga indi ko magkarakilala kanudaya, tenged sa CP ag irimanan, tarangayan ig tarabidan kami. Sanda tangay, kutapdi, barebed, kamaron, lokus, kagaked ig iba pa, ag tarabidan kami ren ang una – kung beken klasmeyt, sa mga palua sa plaza, provincial meet, cecilians choir mamang ing kokon – tarabidan, tarangayan, ig pagkatapos ang malabeg nga timpo ag irimanan. Tay siempre pa, indi ko ra makon nga ara kami i tatarangayan i akeng mga kaparintian – mga auntie sanda pakinasen, ngarogngog, lomboy, karatongan asta mga ilog – pikoy, marapati, karangmang, kitikot, bulalo, bugi, luwaw-luwaw, kamarikutan, alibangbang ig doro-doro pang iba. Ang kanamen i na, tarangayan, tarabidan, irimanan.

Ta, bala kamo ron ag isip kung pasamarasano ang natabo kanindo digi sa CP. Kung marasanong ag katinir kamo i bagong tangay o ag irimanan kamo oman nga aga pararintian, pag baeg kamo ra. basta, isipen indong pirmi, digi sa CP, kita pirming aga tarabidan maski sadin kita man sa kalibutan.

Advertisements

6 thoughts on “Irimanan, Tarangayan, Tarabidan: ang istorya’ sa loyo’ ang EB

  1. tayangaw

    First honor ako sa imong blog Bagasay…

    Aga paraet ig naga oyon ako sa tanang imong mga ena-ena tenged sa Cuyo Press…

    Ang ka ambeng manda y isipen nga ag sirbi diang tulay para mag irimanan y oman ang mga Cuyonon.

    Katabid indo ako sa anomang plano para maging pangunang lingwahi oman y ang Palawan ang Cuyonon…

    Ig basipang makita ta para ang adlaw nga ara ren y Cuyonon nga ing kakaeya anang limeg ig anang inalinan.

    Like

    Reply
  2. ipes padi

    indi kanay… si bagasay maman akeng classmate nga batch 83-84 sa CCS? Aruy dia maman ang nurs sa london. sainuro kiat kabay mabagat uman. Durong kapustura indong mga litrato.

    Like

    Reply
  3. KATIAN

    @ipes padi; ang nurs sa london c barebed….paki check den lamang sa a.k.a. page para makilala mo say barebed,bagasay ig sikad sikad….

    Like

    Reply
  4. Cuyo Press Post author

    Dan manda ang umpisan amen ang site nga dia, ang language ay english, tapos ing buat amen tagalog, tay midio ara pa ra enged anteng ing cuyonon amen den lamang.

    Unique, ig lokal na lokal, sa ing kon ni bagasay dian sa anang article mako tana… “ateng limeg sakabilog lamang – cuyonon. sading lugar pa kabay sa kalibutan ang mi limeg nga tuladan? kanudaya, bilog nga palawan. dadi indi ta ren maambo dan.”

    Animan maski digi ta ren lamang sa CP maambo nga kita maman ang orig nga taga Palawan beken ang ag lalagted lamang tenged nga ang national dialect ang Palawan dato anay ay Cuyonon ig ang Capital ay Cuyo Beken PPC. (Tadlenga indo ako kung mali)

    Salamat sa tanan ig basipang indi kamo ra i soramen!

    Like

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s