Sa lansangan sa Cuyo mi saka solteros anang aran si Toting. Dadi dan, si Toting anang laber ta’lo ka bilog ig derengan pa. Naga karawat lamang si Toting sa anang mga laber. In short playboy!!!
Isarang adlao, nag pangaliag de’man si Toting sa isarang daraga nga taga Magsaysay (adaday Lanat!). Anang aran si Ploning. Kada Birnis nga gabi naga pamasiar tana sa daraga, ig, datong ing pa’elam den ni Toting ang anang matod nga gegma ki Ploning, ing sopladan tanan ni Ploning… “Pag pang-awan anay imong dalan.”
Elam nga lagi ni Toting kung anono ang maliag i kon ni Ploning. Ang indi na lamang ma’elaman ig asta dadi naga rikot pa sa anang pamarot ay ang mga pakiman nga:
- Dato kabay maman ang ing kokon nga Idiomatic Expression sa English?
- Ig kung maman den… Maliag i kon kitang mga Cuyonon mi ateng sadiling IDIOMS?
- Anono kabay ang ibang cuyonon IDIOMS?
Advertisements
“ang kalabasa indi ag pamonga i barantiong.”
maliag i kon, ang mga bata ara ibang susublien kung beken andang mga gorang-gorang.
LikeLike
“aga paoran i anang asin.”
dia maman midio ang aga pa’mbog i mayad kong ara ako i kakamali.
LikeLike
‘di ka’nay… ano ba ang maliag ikon y dato?
diya lamang akeng adedemdeman nga rilemege:
“malabeg y sinelengan” asta “malapad y kaniogan”…
😀
LikeLike
“malapad i mata” – ang solteros nga malapad i mata matama anang nobya – gets indo mga tekagan boys?
LikeLike
ano ang maliag ikon ang
“pag pang-awan anay imong dalan…”?
😀
LikeLike
si toting marikot anang lovelife “dobli-dobli” anang labaer animan ing konan tana ni ploning nga mag pang awan anay anang dalan.
LikeLike
Malapad’ y kaniogan ay bengel. Sa sobrang lapad indi na ren mabati kaisan kung anono ang lisang sa luyo’ng kudal!
LikeLike
Pagpanalamin anay o selenga imong itsura o sadili sa salamin.
Ing adlekan sa anang sadiling anino.
LikeLike
“SANSOY NGA ARA SENGSENG.”
Dia pirmi ko ababati sa mga maelam-elam ang una. Anang maliag-ikon midio dia, ‘sungaw’ o ing loloko! Tadlenga indo ra patigayon kung mali ako.
“SAMPURA I MARAGKET.” Aliag ag ireg sa arampangen o aliag agpasapet.
LikeLike