Pampabaskeg’ y leba

Mga yangats nasintian mo ren kabay sa imong kabui nga magkaisan ing pipilayen ka ren? Makaisan ing isip mo ayamo ang iba ang dasig ingan ka saka sa u’bong nga kung babalikiden mo imong sadili, nataktak ka ren y mayad? Tapos medio indi ka ren ag padayon sa imong pag tikang?

Dagi lamang ateng isipen mga yangats, ara kasigurado’an sa ateng kabui. Ig dan beken’ y kung pasamoro kaw ka dasig mag saka sa u’bong, kung beken pasamoro kaw maga saka sa u’bong nga indi ka’ y takan o pilayan.

Isipen mo ren lamang nga kung kaisan mas mayad pa nga maging Bakoko nga aga amat-amat y panao ig ara mi nalalaktawan nga tikang sa anang kabui, ig naga enjoy tana ig ara pag reklamo kung pasamoro ka begat anang ing papasan. Kaisa sa Rabbit nga ang kadasig da manda ag dalagan pero duro tana ra’ng nalalaktawan nga tikang sa anang kabui.

P.S. Basipang na inspired kamo! Indi ka’ lamang ag pakon sa solar ang mga Buwaya kung ing isip mong maging Bakoko, sigurits lalameden kaw.

BTW, do you have somethin’ to share?

Advertisements

8 thoughts on “Pampabaskeg’ y leba

  1. Bunsawik

    Bans bago kita maga padalem sa isyung dya suggestion lang sa maga commentar idefine ta matinlo kung ano imong ing kukon nga ugbong?Ang “ugbong ba maliag mo i kon “success”?Ok kung success icategorize ta para mas matinlo… Success in life,carrier or profession,relationship issues,lovelife,health financial status,marriage,spiritual life,self……etc???Tama kaw sa imong ing kokon tenged sa rabbit ig bakoko “Slow is Fast”!!!

    Like

    Reply
  2. palaminco

    Tama si Bunsawik, durong klasing definition ang u’bong. If this connotes success, duro pa ra enge’ng categories sa idalem.

    Duro akeng aelaman nga mga tao nga akaabot don sa peak andang career (and very successful at that) pero ara pa ra enged i kuarta. Midian dang mga tao nga duro mandang kuarta pero andang klasi pagkatao beken i matinlo ig doubtful pa kung adin ag-alin andang kuarta. In this case, I would say that the former is more successful than the latter considering that money is just a tool to a greater end and not an end in itself.

    Midian dang tao nga durong ka successful sa anang career pero anang family life is in shambles – belag sa asawa ig anang manga bata ara katarapos i adal ig puro mga addict.

    Midian dang ing takan den i bakudkud i ubra para maging successful sa anang career. Agkatinir tana manda i durong kuarta, intact ang pamilya, ig anang mga bata puros professional, ang marimo, ara tana ren i keseg para ma-enjoy na anang ingpangabedlayan ay indi tana ren katungkaw sa anang manga masakit.

    Durong katinlo anang ing pasanag kanateng dia i kumpay banbanen. Life is indeed a daily struggle, and I believe that the hardest struggle is on how to balance everything and be able to maintain that balance (i.e., career, family, and physical, emotional and spiritual well-being).

    Aparet ako nga ang balansing pangabui madadangat ta kung usoyon ta ang bakoko para ara kita manda i tikang nga malampasan. Piro dapat mi mata kita ra i ang agila para akikita ta ang kataman ig marayeng pirmi ateng sinelengan.

    We also have to be both immanent and transcendent, i.e., being able to preserve our heritage and yet open enough to face the constant changes and challenges we face in this world. Durong katinlo i pamatian nga dia maman den ateng ing bubuat dadi digi sa Cuyopress – using information technology (the 3rd wave) to revive and preserve our culture.

    Like

    Reply
  3. imamatad Henry LLacuna

    Dan para kanaken ang maliag y kon y banbanen ay maman engued indong ing sabat.(bunsawik ig Palaminco).Labi ren engued ang sabat y palaminco.BRAVO!!! I think you deserve a one TAGAY!Anono TUBA O KUNG rice wine?ARA ka ren ka experience cguro ang mga erenemen nga dya.

    Like

    Reply
  4. palaminco

    Matamang salamat bunsawik ig imamatad.
    Imamatad, akasamit ako pa ang tuba asta ang tuba nga mi sampurang rice wine. Seleng kara ang mga taga-Pawa, strike whatever da makun, hae hae hae.

    Like

    Reply
  5. tangay

    GREAT JOB banz, bunsawik, palaminco & imamatad!!!

    mapabaskeg ako anay akeng leba.

    kunako ki bunsawik sa CR inde ako ron ag irit…pero ang dagi i’na beken irit…panemdem lamang.

    – adedemdeman ko pa ang maite ako pa kung madasik akeng keras pag aka sapdu ako aruy kaisan tale-taleng lagi ang kuko sa ina-ina.

    – mi tempo ra nga aga apura ako mayad igep ang tasik ang lumabeng nga mi bulalo, aruy apalak baya akeng dila dengan turo ang lua.

    – di ba makon nga lagi kung matas imong lepad pag ag lagpak kaw duro sakit?

    ta dadi sino kanaten ang aliag makasapdo, mapalak o matigbak pag ag lagpak?

    Like

    Reply
  6. banbanen

    Aruy ang ka tinglo indong mga ena-ena’ – btw, salamat ig elaten ta ang iba.

    Masanag da siguro kanateng tanan nga ang akeng ing kokon nga u’bong is “Moving forward” or “Climbing up” to whatever your dreams are. On that note, demdemen ta nga “Ang indi ag balikid sa anang in alinan dan indi ka’elam kung adin mapakon.”

    Salamat kanindo akeng mga maranongon basipang mag sirbing inspirasion dan sa ateng mga getsba.

    btw, all comments are very much welcome. Indi kamo maeya kung, tula’dia kita lamang!

    Like

    Reply
  7. Lato

    Dan pareho re ang sarabien ang mga malam nga makon ” mas matinlo kuno ang ag umpisa kaw sa ibaba kesa sa u’bong tenged kung maolog kaw maswerte kaw kung ara kaw y bari”. Kudos ki Palaminco ig Tangay…

    Like

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s