kalag kalag sa cuyo

Kumusta kabay ang kalag kalag sa cuyo? siguro duro reman ang ag paralagyaw!

Advertisements

One thought on “kalag kalag sa cuyo

  1. Kegteng

    Manda. KUmusta ren kabay ang kalag-kalag sa Cuyo? Datung ara aco pa leba pa’ru ki Kutapdi, dan durong ka’ambeng nga adlaw para sa mga kabatan. Sa Cabigsing dan pagserem-serem pa lamang, aga turumpok den ang mga kabatan ag plano kung anono andang malalabugay ig ki’nong balay andang kakalag-kalagen. Dan da ang gabi nga ing kekelban ang mga gurang-gurang nga mi daraga, saben moro maman ang kalag-kalagen. Hehehe! Ang parakunan y ang mga taga-Cabigsing ay ang katubuan dian sa mi Lagtedan, kamoteng-ka’oy sa mi Lungsod ig Suba.Akakaradura ra ang mga agdanan sa mga balay nga orolian mga istudyante, impisan y kalag-kalag y sa’ka grupo, kada’ malebasan ang iba, sige ra andang bitbit, asta kapakun sa marayi. ANiman ngani bago kami makaturog sa gabi, ing papaseled amen sa balay ang mga pwede y kalag-kalagen. Akakarau’bus ang mga kapayas, kamuting-ka’oy, santol ig tanang prutas nga pwede y takawen (.. kalag-kalagen gali). Pagkasanag ngani durong karikut sa kalsada, durong tinepesan ang tubo,mga upak y saging asta ilao nga kapayas. Mi mga gururangan ig agdanan dian sa kiled ang karsada. Durong barita nga mi na’ulog paglua anang balay, pasamaoro manda ara ren andang agdan. Pamuyayaw lamang ang panari y ang mga malam, arare’ bunga andang mga tanem, ultimo kapayas nga mangud ara y patawada. Duro ra nga aga pangkalag-kalag sa sementeryo. Ilam kung anono andang abebel duto. Ara ko muro y pa’ngas ag tabed sa sementeryo, saben kakita ako pa y matud nga kalag. Akueng kadlek lamang. Pagkon anda nga sa Suba kuno mapangalag-kalag, atabid ako ra pero apireng ako paglebas sa sementeryo. Hehehe!
    1989 akueng uri’ng pangalag-ngalag. Kayban ko akueng mga barkada ig klasmeyt. Ag testing kami anay ag pangaluluwa. Pira ra kabalay amueng nakantan y ang “kaluluwang kambing-kambing” Hehehe! Wi, mi ag sol da kanamuen. Datung midyo gabi ren dayon kaming pakon sa Suba ay makon akueng classmate duro mandang kamuting-ka’oy duto. Ang duto kami ren, ala, sige pang-gabot. Ugyaw akueng klasmeyt kakita kanamuen ” beke’dian, dan beken ang kakamutian y lolo!” Ang katepad gali maman. Lagted kami ra duto. Saka saku nga kamuti ameng a’bel. Makori ra y lagaen ubos animan ing pabuat ameng cassava cake. Yumm! Ameng ing kita ag pangangaluluwa ing excursion amuen.
    Dan Kutapz ag-share ako ren. Ika re’man…..

    Like

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s