shoutbox
Dayon kamo!
Porabil kaw kapartisipar sa ateng maiteng kambengan (beken kambingan ah?) ministir mong basa’en ig intindi’en ang aga darason sa ibaba:
- aka page (sa idalem ang Shout Box osoyon mo lamang ang format ang imong ing dasonan)
- Panglima, para sa indong maiteng ladawan… dagi ang link kablita indong lamang.
Aga pangambay kami nga ang tanan naintidian indo animan ag ireg kamo digi sa Cuyo Press – Kung mi problima, kontaka indo kami lamang dagi ang link ig kablita indo lamang tas ibarita indo kung anono ang problima agod matabangan takamo.
Sa mga bagong rihistro, tawan indo kami lamang i 24 – 48 hours para i review ang indong aka. Maintras ing elat indo ang approval, dan indong komintar indi ag lua sadin mang parti ang Cuyo Press.
Matamang salamat sa indong timpo ig sa pag domara ang Cuyo Press. Pademdem ang pikon pirdi. irintirimisan kita lamang digi sa Shout Box.
Ang Shout Box ay ag impisa sa Chatroom. Ing oman lamang dia agod matawan ta bosis ang indi maliag ag pakig intrimisan paagi sa pag paskin i ang mga impormasyon nga andang maliag ipabot.
Pang-unan doman ang manigpenet. Ala bungkaras kamo ron mga kasimanwa.
Tay ara ra problima, maman, ang pikon indi enged mag tangis, intrimis lamang.
Anay ka, kamo baya aka dara ren y latong Cuyo pakon sa USA? Aka elam sa katao nga aka dara digi kanodaya, ara ra a dakpan sa airport. Yng pakimanan kung anono, anang sabat dan pickled seaweeds. Elam ka balot sa daon ang saging. Dan paramanda. A bereng siguro ang taga LAX yng palusot don lamang si Dodoy.
Wiiii … pangatlo ako pa ra gali sa paramanoan. Mayad nga adlaw/gabi kanateng tanan digi … Madalem ang snow digi kanamen ig segun sa barita, durong kotse ang naulog sa kanal. Maren kung magpadalagan makon kaw ara i snow … damparang!
kaintra pa sa top 5 – mayad nga apon! penet, kumusta ren si joni? bago matao si tinambunan akeng aleman lamang si joni pagayona, inables ni nay candi pagador. anang pangga si a’oy. dato kabay beken imong ing kokon?
Dagi ara akeng si Joni. Tay ara ren ag pa estado. Ara bali makikita ko ra oman dia.
Digi dadi sa San Antonio, Texas ang boksing ni Donaire vs. Vasquez.
Dia ang “tourist spot” ang Texas animan selengen ta kung ano ang mga “beauty spots” sanda mga proyikto na puidi ta i buaten sa aten.
Dagi ako ra.
Sapi-Sapi dyamat kaw beken ikaw, si Joni akeng ing sasagyap.
Ing post ko ang “video” ang San Antonio, ay aelaman indo mga kasimanwa akeng pabetang sa Cuyo kanodaya ang doto pa ako a aten ara kita ren i pag-asa. Piro ang digi ako ron a isip ko na mabael pa ateng pag-asa na mga cuyonon. Tawan kita lamang i oportunidad na magkatinir i matandes na lider ig anang ing isip ang kaayadan ang banwa, maga asinso ang Cuyo. Isarang lider na maga taw i oportunidad sa mga tao na magkatinir i pangabui para makatabang sa gobyerno, paagi sa pagbarayaden ang mga podentes. Isarang lider na kaelam ang paagi ig magapabayad i podentes sa mga kompanya ig mababael na negosyante, na sa dadi ara ngani i tataw sa aten. Isarang lider na maga panindegan na pakitawen ig belen ang para kanaten na aga alin sa ateng mga natural na manggad, halimbawa sa Malampaya. Maga obra kita kung mi oportunidad na magpangita ay beken kita tamad. Matinlo ateng pag-irisipen (mindset) ay ara kita pagsarig sa gobyerno sa tanan ateng kaministiran na mga pagkaen, bulong, edukasyon, pagpara- ospitalen. Ang mga taga digi ara palabet sa gobyerno, kita aga pakita i ateng pagseleng kung anono ang atatabo sa pagparamanwaen. Ang suba na indong makikita na ing papasyaran ang mga turista da ing buat (man-made) lamang ang mga taga San Antonio. Sa pagtetengan ang Texas ang San Antonio, ara i dagat. Ay kita “swimming pool” lamang indi kita mapabuatan para sa “provincial meet”. Ang Alamodome na ing pag boksingan ni Donaire vs. Vasquez aga alin sa kontribusyon (bond flotation) ang mga tao. Kita mi kuwarta aga alin sa Malampaya, indi ngani mapatendes ang “gym” na mama-ulog don anang atep sa plaza. Dapat pakitawen ig i taw lamang ang pondo para kanaten. Ang mga pulisya digi beken i “integrated”, maliag i kon ang San Antonio lamang aga suporta, ara “federal funding”, piro ara krimen na ara na mi nakukulong maski ag alin pa sanda sa luyong kudal na Mexico. Kada kanto mi pulis maski aga bisklita alaman. Animan aga kasag ako sa pagpasanag sa mga tao, nakita ko mabael pa ateng pag-asa na mga cuyonon. Nakita ta ren ang oportunidad na ing taw sa mga manigpananem i tambalang sa Algecicras anda Concepcion sa Agutaya. Ag tinlo andang mga pangabui ig aka para adal sanda andang mga bata sa kolehiyo. Aga rispito sanda ren ang lai’ tenged kung mag iligal sanda para nged sa pangisda madodora andang pangabui katulad ang pangabui sa lato sa Cuyo. Magsarig kamo mga kasimanwa, mabael pa ateng pag-asa na mag asinso. Indi kamo madoran i pag-asa.
Aga torok don ang manga manok, ma papresent ako lamang anay. Akapaload ako pa lamang ang isarang apon akeng Smart Bro animan aka access ako sa Internet dige sa banggilid ang Caramay. Tuslokon ko anay ang post comment button bago madora akeng signal. Dia bayang Smart midyo ra sa lalaki na kung kaisan aga loko.
Midio kono sa LECHEFLAN kaisan sweet, kaisan leche
Kilog dan medyo aga osoy lamang sa mi ana hehehe..
ang kanaken ara ra..
Penet kanimo ameng pag asa nga mag asenson ateng banwa..
maski maite basta mi dyan..
indi mo ren da kamnisteran ag panakaw ay mi balon kaw nga maga oli..
ma presentar ako nga kabegan ang highway (sing lamang gali hehehe) kung ikaw ang maga padalagan..
Pangadi kita ren lamang mga kasimanwa sa mag akara patay sa Negros Oriental. Maski adin natatabo ron ang mga trahedyang tulad i dia. Mayad kita sa Palawan ara linog ay ara kuno sa “fault line”.
http://newsinfo.inquirer.net/140881/quake-kills-52-in-negros-oriental
Grabi gali ang distroso sa Negros Oriental sanda Cebu. Selenga indo dagi.
Dagi ang mapa ang mga lugar na maga linog (mi kolor) sa Region IV-B ig matod gali manda na sa Palawan ara linog (ara kolor). Animan mga kasimanwa mag bakal kamo ron i lugta sa Paragua ay indi ag buay matiripokpok don ang katamang tao’ sa Pilipinas sa aten sa Palawan.
http://www.phivolcs.dost.gov.ph/images/active.faults/region%20iv-b.pdf
Natabo roman ang ateng ing adlekan na matatabo sa mga lugar sa Pilipinas. Animan aga pangamoyo kita sa ateng mga kasimanwa sa bilog na Palawan ig sa ateng mga lideres denda na selengen ta ateng mga “geohazard maps” para sa ba’ ig “landslides” para maka buat kita paagi para ara disgrasya o limitado ang distroso sa aten sa Cuyo ig sa Palawan. Matinlo renda nged ang mag panagana o mag pripara sa anong matatabo kaysa bago ma buat i rimidyo kung a tabo ron. Matamang salamat!
http://newsinfo.inquirer.net/141545/71-buried-in-landslides-in-negros-oriental
o senyor tagbalay…..nga lonsay dongganon…..maski kung maanek, ang karatorogon…..
panagbalay sa febrero, ara tao. si kilikog moro’ na ara reman i’ signal sa caramay. way pagsaka sa niog. naidlaw kami ren kanimo, silensyo ang cp kung ara kaw.
Bagasay, abati’ ko imong pitada sa tabori, animan ag importa’ ako ra enged ag saka’ sa puno’ ang niyog para makabel i’ signal piro dorong ka luyo’ anang abanti poko-poko lamang, tai’ mayad den sa ara.
Aga pang imbitar ko sa March 10 na Foundation Day ang Caramay, labi pa manga manig bolang. Mi 3-cock derby kita. Sa dadi sobra ren sa singkonta ang akapalista. Depending champion ang R. Zabala, ako mi akeng entry ra, ang Kilikog-USA.
kilog imong pics doto sa cuyonon group.. sa niyog aga computer hahaha..
http://eblush.blogspirit.com/archive/2012/02/02/man-at-the-coconut-tree.html
Loko kamo’. Ara indo a ripara na si Tander na aga sarakat sa niyog aga seleng i’ sex movie sa anang laptop. Ara indo ra na ripara na anang ing sasarakatan, lubot na balay ang bising.
Sa manga babai na aga sagyap, mabael kono ang chance na makakita andang Romeo sa Palawan (MIMAROPA)
http://businessmirror.com.ph/home/nation/23065-mimaropa-has-highest-number-of-single-males
ayamo, maite lamang ang bading sa palawan? maliag i’ kon mga macho gali sa aten? ….ilam lamang. depende sa manig dumara i’ ang probinsya.
kilikog, iprisintar ta kaw ki tia jane timbancaya-urbanek nga mag guest sa anang programa sa radyo nga “parageme” kada dominggo 9-10am. bala ka ren kung anono imong maliag nga arampangen. marasano kaw kabay mako-contact? papakonan ta kaw sa ke’niko?
Ako dige sa Caramay piro ma pamuerto ako sa Lonis o Martis animan dyan ako sa bar i’ Nikko sa gabi asta ren sa Mirkolis tapos pa Manila ako sa DC sais asta ren sa baenti’ otso ang Pibriro. Ay ikaw bagasay sa Puerto sa manga adlaw na dan na dyan ako sa Puerto?
Okay ako ra ag pakigbagat ke Jane siguro sa akeng pagbalik den agalin sa Manila o pagkalapas ameng Foundation dige sa Caramay sa Marso a diez. Mapakondisyon ako pa ang manga manok na entre ang Kilikog-USA. Maski anong tapik poidi’ ako ra siguro, beken lamang politika…Bags, kung indi kita ag abotan sa Puerto pakitawa lamang ke Nikko akeng CP number. Txt 2x lang…
dato aga sagiap den kanimo sa puerto. konako kung indi kamo ag abutan sa ke’niko pakimanan lamang imong mga bogtitinai. kilala na ra siguro.
Lato a kita gali i Kilikog ang aga laptop sa puno ang niyog. Akeng kaisip indi tana ka bungkaras i dali-dali. ha!ha!ha!
Dagi mga kasimanwa ameng ing poproblema na mga gurang-gurang digi sa impayangat sa pag disiplina ameng mga bata. Tenged ibang kultura andang ing baelan sanda aga palabet ang gobyerno sa pagdirisiplinaen ang mga bata, mabaskeg andang leba ig bokal sanda sa pagpa-eya andang mga gurang-gurang, halimbawa sa “facebook”. Bihira dia na matabo sa aten tenged sa mi respeto sa gurang-gurang ig mi kaadlek ang mga kabataan sa aten na magbuat i tulad dia. Ameng kaisip kami lamang na mga pilipino ang poproblema, dato gali ang mga taga digi ra. Mayad lamang ngani ang laptop lamang ing pasongawan ang tatay nga dia, ang iba andang mga bata mismo. Selengen indo patigayon dia.
http://www.webpronews.com/dad-shoots-laptop-2012-02
Balenek pang-ingsapoa anay ateng kasimanwa na si Kilikog. Way dato sa puno ang niog aga Cuyo Press, ay maroya kuno ang signal sa Caramay.
Penet, kori-kori talaga ang signal dige sa amen. Imong ing post na link na mi aga sarakat sa puno ang niyog ang boay ingan ag buskad, sige-sige lamang ang teyeb-teyeb.
Animan siguro sigun sa statistics matamang singles dige sa Palawan aymoro beken lamang sa belag-belag ang manga isla matama pang aga pararinti’.
Adiyos INDAY!
dia ay matinlo nga buateng ehemplo sa tanan.. maski anono pa imong katengdanan sa kalibutan, moro kaw ka manggad, ka postora, ka gwapo, ka rimo o ano pa man…
tanang bagay mi katapusan ig mapapa aga kung aboson ta ateng kalawasan..
parayean ta ang DROGA!!!
penet matinlodato para ka bel tana idea kung pasamoro ag connect pag marimo agn signal..
ang pakiman kung kakaelam tana pa ag saka hehehe..
mga kasimanwa sa post y Penet @29 sayod ako dyan.. mayad lamang akeng mga boys na unan ko nga lagi y akes ang mamaintek pa ig dadi aga pamati pa ra..
matama ra dige sa australia ang mi problemang toladan.. pareho ang kon y penet, ang gobyerno dige aga palabet da..
parte sa pag lalaber laber, ayos ang babae dige maman ang aga pamasyar.. akeng gurang pirmi ern ing ated anang tatay ang babae dige sa amen ig mada dayonan ako!! ing kampang kung lagi akeng gurang nga beken ako comfortable..
ang iba nga mi batang babae, pag abot ang lalaki diretso sa kuarto,, lock nga lagi ig ni ay ni oy ara enged.. sabor ingan gokodan ang garab!!!
pangandoy sa ateng mga kabatan nga mag pamati kamo sa indong mga gurang gurang.. ameng toyo para sa indong kayadan sa ori ay oras lamang ang ing bibilang ara kami en sa indong kilid..
kamo ang kaylora!!!
Penet 29 ig Lato 35@ Iba manda ang mga kabatan digi. Dan maman ang ing sasakit i akeng ulo ig ing raraet akeng leba. Madangmit lwa seled lamang ang mga tao digi nga makon kaw andang sadiling pamalay-balay ig andang sadiling kwarto. Maabot digi diretso sa kusina magpanginsapo kung anono ang makakaen o mainem o kabay diretso sa kwarto.
Sa akeng panid ang mga kabatan nga dya ara i turui andang gurang-gurang. Matud, agapalabet ang gobyerno, pero kung matandes ang gurang-gurang magturo ig magpasanag sa anang mga boto, iba ren da enged kaysa datong ara enged i lilimegi. Isara pa, mabael nga risgo ang pagtabid-tabid sa mga barkadang indi mo maelaman kung anono ang inalinan.
Lato da si Kilikog kaleba beken den puno’ niyog anang ing sasaka, puno ron lamang ang kapayas.
Da mamaan da ang atatabo digi na ang mga babai ang a bisita. Tay ted i lipay ang mga tatay na mga pinoy, midyo sanda ang intirisado. Mga “white leghorn” moro na ang laber andang mga soltirito.
I parti ko anay digi kanaten ang arana ni Mulong. Pasinsiya kamo ron indi indo makita tana ay ara roman kuno kuryinti sa Cuyo. Makakanugon anang pagkabetang ig bosis na mapapariho ta kanateng mga cuyonon sa Palawan na midyo na nasasalan ig napapabaya den.
https://www.facebook.com/#!/photo.php?v=163488680434174
Akakasaka ig akakasarakat ako para sa puno’ niyog basta dwarf. Ang isarang adlaw na impress ako sa ameng katiwaldas sa kaniogan na agdaplas sa niyog ag pupo’ betang, anang edad sitinta y dos.
Ilog Lato, sa Impayangat pag ing pasabedan ta akes ateng buto’poidi kitang ma akusar i’ child abuse. Cuidado kita ra sa pagtelek-telek saben ma akusaran kita ra i’ improper touching. Dampara manda!!!
Ang kapongaw da ang natabo ki Whitney Houston. Isara tana roman sa biktima i ang ilegal nga droga. Ara pa ngani saka dagon nga nadura si Amy Winehouse, tay dya si “golden voice” Whitney maman doman ang agdason. Muro pa kabay i rake ang mabibiktimang celebrity tenged sa paggamit ig pagtomar i ang mga ing babawal nga droga? Kung isipen ko indi agbway tula’ dan da ang matatabo ki Lady Gaga. Iparaye ren lamang kanana.
I can live in Palawan forever
http://yhoo.it/xewmcL
jaske kaw ayamo ing saka mo pa??
parte sa pag akes, dan ing kon ko sa akeng mga bata nga ok ako ag istar sa presoan basta sa indo o ateng kayadan nga tanan..
maman manda ang in proper touching.. dan dige matama ra ang atatabo maski titser ngani ing akosar..
ariks @36.. maman enged ig makaerep talaga!!!
penet @37.. ayamo kapayas den da?? saben kapayas nga mi anang sadiling airbag??
dato sa Dc roman aga silaot.. pabangdan lamang nga maroya ang signal para indi ma istorbo hehehe
Ang puno ang kapayas matupok indi ka sustinir akeng begat. Ameng speedboat operator dige sa Caramay na si Ramiro Echague ing belesan sa El Nido para sa shooting ang Bourne Legacy. Makon si Ramiro indi na makon kung nabelan sanda sa andang lagadi-lagadi sa takas mi sa manga isla ang El Nido aymoro ang manga camera kono mararaye na indi na makon kung ing zozoom sanda. Tai konako selengen ta ren lamang ang pelikula pag natapos sa Agosto na pag mi aka antehos, malabeg i’ bok na makakonkon ke Julio Eggliseas dan tana ren.
Lato dagi ba imong ing kokon na kapayas na mi sadiling “airbag”. Sabagay kung pariho manda dia, maraye sa disgrasya. Maga tama roman ang kustomer ni Vicky Belo kung kabasa sanda dia.
http://www.dailymail.co.uk/news/article-2098909/Huge-breasted-model-31-walks-away-horror-crash-38KKK-chest-acts-airbag.html
Dan Penet beken den kapayas, dan kung beken barantiong, kalubay den. Elam kung adayon ang demanda ang nanay ni Pacquiao na si aleng Dionisia ke Belo, aymoro sobra ren kono sa saka milyon anang nagagastos ara tana pa i’ titinlo’.
Dagi gali ateng imbitasyon sa 350 anios na silibrasyon ang kristianismo ang Cuyo. Malam pa kanaken ang dokumentong dia. Aw! malam gali ki Anto Yap, ang miana ang dokumentong dia. Sa mga indi ren ka saka ang puno niog, i “click” indo ron lamang ang ladawan para maripara indo mayad.
https://www.facebook.com/groups/mgacuyonon/#!/photo.php?fbid=10150653102226858&set=o.171686402874289&type=1&theater
Misa sa Tri-Centennial Community Stage, 40 anios don ang ag lebas. Ang aga oficio si Monsignior Gregorio Espiga, ing asistian ni Fr. Frutos. Salamat doman ki Anto Yap sa ladawan.
https://www.facebook.com/#!/photo.php?fbid=10150653117681858&set=o.171686402874289&type=1&theater
penet @47.. ing seleng ko ig matod…
classmate medy indi pwede ang kalobay ay sobrang taged..
Malipayeng adlaw ang mga tagiposon mga kasimanwa. Magpangalipay kita sa adlaw nga dia.
Happy Valentines Day kanateng tanan … labi ren sa mga mapongaw ig maramig nga gabi tulad digi kanaken … damparang!
classmate siri pa pongaw pongaw??
Lato@ 54 Tay tula’ dyang dagi kita sa impayangat, maraye sa pamilya ta ag snow pa digi ang Sabado, pwerteng karamig. Kabay konon ta pang mi heater digi ig madamel ang oslon, iba ra enged kung ololonan da lamang imong ing kekepkepan, bago daya?
dan den….palua ren anang kapongaw si ariks.
Aw tay pirdi ta kamo. Ako madamel akeng uslon sanda ulolonan.
Kilikog matamang salamat sa pag-istimar ki Dave Umandap sa Nikko’s. Patigayon da i tawagan si Manang Jane Timbancaya sa Radio Palawan o sa Nieva’s Restaurant ang atetenged kuno sa Parageme sa domingo. Salamat oman!
Mga kasimanwa sa kinabui nga dia, kaministiran lamang i derep, pasensiya ig oportunidad na kung mag-abot ngani indi ta lamang i sunggaban, kundi dagpan ta pa. Selenga indo si Jeremy Lin, isarang basketbolistang Taiwanese, na sa gulping baliskad anang suwerte ing tatawag ang atabong dia sa anang kinabui na “LINSANITY”.
http://www.abs-cbnnews.com/video/sports/02/15/12/jeremy-lin-takes-nba-storm
Ag abot ako dige sa Manila kapon ig magabalik ako sa Palawan sa pitsa bainti otso. Paninsapon ko lamang si Jane sa Neva’s Restaurant sa akeng pag abot doto para maampangan amen ang Parageme’.
Bagasay, aliag ako ra andan ag pakigbagat kanimo kung dige ka sa Manila. Penet, ikaw ara plano ag bakasyon dige. Maga tinir ako pa dige asta Mayo.
kilikog @ 60: aroy ako mabalik den sa hkg lagat sa gabi. sa 22 ameng balik i’ akeng laba’not, matabid tana kanaken sa new york aroman, golden wedding anniversary i’ anang uncle – mr. and mrs. freddie trampe (anang asawa si tia thelma villacarillo nga taga roxas).
maoli ako puerto bago magkatapusan ang febrero. panginsapoa lamang oman digi. o kung sarang mag text kaw sa 0917 5723664.
ariks @55.. aroy kaylo ka ra?? maman manda ang init ang tao asta ololonan iba.
ang tao mi katabid pang ngirit ig kunit kunit.. tay aguanta lamang ay kung sa tagalog pa “di ka nag iisa” nga aga sakripisyo para sa ika katinlo ang betang imong pamilya labi pa ren ang mga bata…
bentaha ako maite kanimo ay ara y snow dige maski si kumander pirmi ara dige sa gabi..
kilog kung asta Mayo ka pa dyan sa paragua maga abotan kita pa gali…
pag alin amen cuyo dyan ameng agi pa balik sa manila..
ma reserve ako ren nga ladi DC..
elat anay dige baya ara ako natatandan kung mi barita tenged sa Ulibanwa..
ta kung beken pa ori, e anonsyo koren nga sa abril 1 ang umpisa.. dan si bagasay isara sa mga membro ang komite para mag dogang pasanag..
amos ma oroli kita…
Nabagat ko ra si Bimbo Fernandez sa Ke Nikko Bar ig sigun ke bagasay maman ang overall chairman ang Ulibanwa. Contact ka indo lamang si Bimbo o si Bagasay kung aliag kamu ra ag suporta sa Ulibanwa program.
Kumusta sa tanan
Belated Happy Valentines Manggaden!
Ing ibaran ako sa mga ri-aksyon ateng mga pamunuan dadi kung mi taga ibang lugar na aga puna ngani tenged sa pagpadalagan ateng probinsiya. Karasilagen nga lagi, imbis na abrian ta ateng pag-irisipen na katulad ing turo kanamen i tatay na datong sa serbisyo publiko kami pa. Iba ren talaga ang orintasyon ang mga pulitiko dadi.
http://newsinfo.inquirer.net/149411/probe-palawan-mining-ombudsman-urged
Mapanawagan ako bagasay nga basipang ara ra na hack imong email account. Akakarisibi ako mga unsolicited emails nga I am sure beken ikaw aga send.
Bagasay@ Aga suspetsa ako ra nga nahack imong account. Akareresibe ako ra emails nga anang pagkabetang “spam.”