Cuyo Press

Mga tangay para sa ateng ka’mbengan, dia akeng birthday, 5 yrs. old ako ig dorong bisita! (kablita indo lamang ang ladawan kung liag indong maripara’ matinlo) - Pintoa indo ngani kung saino sanda. Ang iba siguro indong mga nanay asta tatay den. Dia bago kami lamang ag lagted sa ameng balay sa ing atubangan ang
3 Sister’s Theater and Bowling Alley.

Ang sa likod maman ang Tropical Hut kung sadin mi halo-halo nga ang ice agaalin pa sa Antique ig ing papadara sa mga lantsa papakon i Cuyo sa seled i ang sako nga mi labang. Ang ing tataguan ang mga ice blocks tuladato ra - isarang sementadong lugar (medyo sa pantion- hehehe! - nga medyo sa kulungan baboy, mi tabon nga sin, puno i labang).

Omanen ko, ka’mbengan, beken’ kambingan! hae hae hae!!!

Kablita indo lamang dia para sa part 1

[BAGASAY]

Adin kamo kabati ang daing na bararawan ag abot sa Leicester Square via Cathay Pacific, business class pa!!!

Matamang salamat Bagasay sa imong pag bisita oman digi sa London beken lamang aka samit kami y prito nga bararawan, maambeng nga ag baragatan kita. Basipa sa madason mas matama ang maka abot sa London EB, ta Uncle Oscar & Auntie Goraman be prepared for the next EB  ikaw ang host beken si Chiquito! hae hae hae!
[BAREBED]

Pintoa indo dia. Birthday Party sa balay ni dating Mayor Ely Ponce de Leon. Kano pa kabay dia? ig sino ang indong kilala?

[Bagasay]

Si Judge Jose Rodriguez nga ag sulat sa Cuyonon i… “Ang Pagpatindeg ang Cristianismo sa Cuyo ig sa ibang Parti ang Palawan.”

Kaiban na sa wala si (lola) Trining Fernandez Legarda datong 1972, 350th centennial anniversary. Isara sa mga matinlong ICON i ang ateng banuang Cuyo. - Ing padara ni Jose Rodriguez Barcelon a.k.a. “MAK” nga isara reng apo ni Judge.

Pogi asta postora bago daya? Ara ra ing iban kanaten dadi ano? (hae hae hae!)

Si Bagasay asta Kamias datong ameng pag baragat digi sa T.O. datong April 6-7 2008, indi ag pa’wid hae hae hae!

Samantalaen ko ren lamang igapil barita kanindo, katabid ang ladawang dia, nga si Bagasay gali ay Contributing Editor den ang CP kami say Bulals ig Kutaps mismo ang ag decide i dan.Nairigoan amen dia mabuay den tay ang isarang adlao kami lamang ka timpo. Tenged nga ing kokorang kami ren kaisan sa oras ig maraye sa mga resources, nagasarig kami nga si Bagasay ay kakatabang i’ pa’gan ang ameng responsibilidad sa CP.

Anono akeng maliag i kon? sa dadi tana maga taw anang maiteng timpo sa pag research ang ano mang bagay nga atetenged sa Cuyo, kanodaya asta dadi. Katabid den dian kung anono mang concern nga ara kami’ kalibotan, si Bagasay den da ang maga update kanateng tanan ang mga mairentek nga bagay.

Ara kami pang pliti kanana animan ang tanan nga anang mabubuat sa CP ay voluntary ig dedication lamang ang kaministiran. Ig tedek da sa anang tagipuson ang anang pagrisibi ang ameng offer kanana.

Salamat kanindong tanan sa pag welcome ki Bagasay. Saka bilog lamang ameng motibo, ang magkatinir kita i Stable Online documentation maintras aga irintrimisan kita digi sa CP.

Salamat ingan!

Ooopppsss!!! Dan gali ang ladawan sa o’bong mi anang mga kaiban pa. Kablita indo lamang dia kung liag indo i linglingen.

Maimong nakita indo ren dia maski sa’din. Piro anono imong masisintian kung karisibi kaw mismo i tu’diang ladawan alin mismo sa director? Ma’mbeng sa leba bago daya? Maliag i kon, with license ang CP to post it. Dato lamang manda ara’ pirma’ hae hae hae!

Direk sa imong ing buat nga diang project, marakeng mai-inspire na kabatan. Salamat oman kanimo. Ooppsss! inoro ngani ang premiere?

watch the teaser here and here for the wesbsite 

Ang ladawan sa u’bong ay mga Cuyonon sa Israel. Ang sa ibaba’ mga Cuyonon sa Cavite. Ang kakapinto kung sino si sino ay good looking asta bright.

Litrato: Bel ni Kuday. [a.k.a. #63] - ang unang kakapinto anang mga aran ang pakinasen nga dan sa u’bong CUTE.

Salamat sa nag attend: Mrs. Hagedorn and Daughter, Matinlo, Kuday, future Mayor Bagasay, Karatongan, Tirik, Luwawluwaw and partner, Pakinasen, Ice Drop, the Palayon clan ( sorry indi ko matandan andang aka ), Gil Belen, Mr. Rodiriguez and friend, Mr. San Juan (brother of didong )Palaminco and Myself, sorry basipang ara ako nalipatan, kong medyan pasenya ren lamang, Ang tanan nga na-banggit ay puro ag Sign sa Petition Letter nga ing bwat ni Ipes Padi.

[SHOKOY]

Ang Pangarwang Baragatan ang mga Cuyonon sa KSA. Lokus patigayon lamang anang caption. Dagi ang link sa andang unang baragatan datong August 25 2007.

Kablita indo lamang ang ladawan nga mga mairentek sa ibaba agod maripara indo’ mayad.