Sa seled ang Cuyo… 01/24/2012

Iba-ibang pangabui ang mga Cuyonon sa seled ang Cuyo.

Ang mga taga Catadman nga manigpangawil aga paawat begsay papakon sa laod ig magpangawil isda sa matinlong paagi. Ing pili anda dia tenged aliag andang pakaenen andang pamilia I ang bunga andang matinlong pinaulasan.

Ang mga taga Tucadan nga aga besak bato, aga paulas sanda ig aga elat kung inoro o sino ang mapaobra anang balay agod mi kita sanda sa matinlong paagi.

Ang mga Istibador aga elat ang abot ang barko para mi kita sanda ra.

Ang manig sageb aga toktok sa mga balay balay aga ated ang tubig sa maiteng kantidad.

Ang manigpamunak aga pasalamat mayad sa mga mahilig ag irimara agod mi obra sanda.

Tanan dia pira lamang sa mga tao nga aga parangabui matinlo sa ateng banua ig ing pili anda dia tenged aliag sanda mabuing matandes ig malimpio andang konsinsya.

Ayamo mi mga tao nga mas pipilien adang ranggaen ang Dagat para mapakaen anda andang pamilia? Ayamo mi mga tao nga mas ing pili andang magtinda bawal na bulong agod indi lamang ag besak bato? Ayamo mi mga tao nga aga buat illegal agod lamang mapaadal anda andang bata?

Dia ba dadi lamang atatabo, o mabuay den nga ing papabayan ta lamang animan ara kita asinso?

Best Wishes From Cuyo Press 01/01/2012

Mga kasimanua, ang CP ay aliag ag pasalamat i doro bael sa indong pag suporta sa dagon nga 2011. Best wishes kanindong tanan, basipang ang grasya ang ateng Gino sa dagon nga dia ay mag lapaw sa indong pamalay balay. Tidek sa ameng tagipuson ang pasalamatan kamong tanan.

Sa ateng mga opisyales ang Cuyo, basipang sa dagon nga dia, maging sincere kamo dogang sa indong tinipanan datong kamo aga kampanya pa lamang, kamo lamang ang pag asa ang mga Cuyonon sa bilog nga kalibutan.

Best Wishes From CP Admin

Pangadi 10/09/2011

Ang pinaka mabaskeg nga Wirelless Communication.

5 den kadagon ang CP 10/03/2011

Sa bolan nga dia ang Octobri, lima ren kadagon ang CP. Ag impisa sa maiteng irintrimisan datong Dos Mil Sais ig padayon pa ra enged asta dadi. - Matamang salamat sa indong suporta.

Sa pagsilibra ang lima kadagon aliag ko i balikan ig i paskin oman ang ing sulat ni Bagasay. Ang Adios PCAT.  Isarang mapongaw nga pagsinti ang isarang tao nga aga mal sa anang inalinan.

Dagi ang link sa anang ing sulat. - Ig dagi ang pira sa anang ing bisara nga sa akeng seleng, katabid sa ateng Kulturang alelemes den i ang bagong timpo. Makon tana…

Dading ara ren ang PCAT, ilam lamang kong mamaoman pa ang mga timpong ag lelebas. Nasisintian den i mayad i ang mga Cuyonon tenged ara kita ren i dadaeg sa mga athletic meet, ara ren aga patona-tona sa mga kaambengen kong pista, sigoro ngani pati ang mga bata dadi maite ren lamang ang akaelam ag pangarpintiroan, magpamedbed, mag gansilyo, magboat i baskit, etc.

Indi msakayan dia ang mga bagito, piro basipang masirbing liksyon kanateng tanan.

Ber-ber den… 09/01/2011

En ber ber den, ta moro kita dia? Marapit deman matapos ang dagon aman?

Block out sa Cuyo 08/30/2011

September 1st, total block out den sa Cuyo, ara ren krudo ang NAPOCOR.

Ta moro kita dia?

Pagarokgok ni Atorni Penet sa tabang ni Sir Kilikog (4) 08/21/2011

Disclaimer: Ang mga istorya ig abisong legal digi ay para lamang kapopotayan ta i liksiyon sa ateng kinabui ig para renda sa ateng kaambengan. Ara pa ra nged kabailoan na magbel kamo indong sadiling abogado kung ma-inali na magka-kaso kamo ang pariho sa isara sa ateng mga kaso digi.

(more…)

Aroman anono? 07/27/2011

Pamaw

Obra

Igma

Obra

Yapon

Katorog

Aroman anono?

Pagrokgok ni Atorni Penet (3) 07/23/2011

Ang Oring Babai nga Cuyonon 07/16/2011

Impisan ko akeng ena-ena paagi sa pakiman nga – Anono manda kabay ang tipikal nga babai nga Cuyonon? Sino ang Oring Babai nga Cuyonon? – Akeng sabat, darwa ra. Ona, ang babai nga Cuyonon dato anay. Ig ang sa panimpo dadi.

Ang maga seled nga lagi sa ateng paino-ino ay mademen, mainayen, maasikaso sa balay, maantigo ag loto, magasirbi sa anang asawa, maga-epet anang mga bata ig anang mga apo pag-abot ang oras.

Dia manda kabay maman ateng aliliagan sa isarang babai nga Cuyonon? Sanda kabay manda maman den ang oring babai nga Cuyonon?

(more…)