Cuyo Press

Siguro naripara indo ra nga ara ko na update ang website dading ag lelebas nga mga dominggo. Pasinsia mga tangay doro akong ka okupado sa mga timpong dia. Indi kamo ag sinti, bwi pa ang Cuyo Press in fact marake kaming mga kanta ig ladawan nga dapat i paskin nga dara ni Bulalo. ARA LAMANG y timpo.

Pag sarig kamo nga kami indi ag panari ig indi y soramen y paskin agod lamang mi ateng kalingawan kita. Sa dadi, ing papakitaw amen ang indong maiteng pag intindi sa ameng sitwasyon.

Indi ta man maawidan ang pagkadora ang ateng BISARA, piro mama’widan ta ang pagkadora ang Cuyo Press, ig dia ay tenged sa indong ara tegkan nga suporta. Padayon ta lamang ang ateng mga toltolanen sa chatroom.

[BANBANEN]

Kasangdagon midio mi ag taw anang ena-ena nga mas matinlo kono kung ang AKA ay SORTED o ALPHABETIZED.

Tenged ngani sa ang ing ririhistro ang site ay ang ORAS, makoring matabo dia. Piro ara ko pa ra enged i lipati ang indong patad nga dato, tenged naisip ko pasamoro manda kung kaabot’ ribo’ ang AKA?

(more…)

Siguro naripara indo ren da nga mi ateng POLL kita dian sa Tu’ sa o’bong kung sadin pwidi kamo ag buto indong mga ena-ena. Aliag ko lamang i pademdem nga dan kamo kaisara lamang i’ buto. Pwira lamang kung maglagted kamo i indong work station pwidi kamo ag buto oman. Indi amen maelaman kung sino-sino ang mga butanti.

Sino man ang aliag ag padara andang mga pakiman para sa ateng POLL, libri’ ara’ bayad. Ig simpri kami lamang ang kakaelam kung kino ag alin ang pakiman.

Pwiding Pulitika, Barita, o mga bagay-bagay nga mi potential nga makatabang sa ateng mga manig panodila. Demdemen indo ra nga dia POLL animan kaministiran nga mataged lamang ang mga SABAT.

Moro sa imong panid? kablita lamang dia kung intrisado kaw ig ipadara imong pakiman.

Oppss indi kamo ag sinti kung midio mabuayan ang indong pakiman kapaskin. Kami moro mi sadili rang pamilia nga dapat unaen porabil ang CP.

Naisip amen dia, ay imoro mi mga kasimanua kitang aliag ag patad andang ena-ena tay indi maliag ag pakilala. Animan ing tatawan sanda i’ timpo nga kapartisipar katabid kitang tanan.

Ang pakiman digi ay: “Anono ang matatabo sa risulta ang POLL kung tapos den?” - Ang sabat: “Dan aka ARCHIVE ig kami lamang mga editors ang kakaripara dan. Ig pupunasen amen kung kaministiran dipindi sa Terms of Use ang Host.“

Kung mi pakiman kamo, siguro sa dadi elam indo ren da kung pasamoro!

TGIF sa tanan!

Kaloy’ Dios natapos den da ang pangarwang librito ang CP. Mi titolong IS.TAMBAY DOS - Bolong sa Pongaw. Dagi anang specs:

Pakadlaw nga Cuyonon - Cuyonon Jokes. Please note that jokes in this book are written in Cuyonon Language. Printed: 60 pages, 6″ x 9″, perfect binding, cream interior paper (60# weight), black and white interior ink, white exterior paper (100# weight), full-color exterior ink.

Just tap this to order

…Kablita indo lamang ang mga links sa idalem

• 1972 Centennial Anniversary
• Dangat
• Sikad-Sikad, Bagasay, Aripuros ig Marake pa
• Aelaman Indo…?
• Cuyo Made History Again
• Dengeg sa Pagbalikid sa Inalinan
• Ing Gegegman ta kaw
• Sing Along: King-King, Tarinting, Layang Pasyak
• Ing Ingganio Kitang Maglimeg i’ Cuyonon…
• Maelas
• Daepan ta ig Dayawen si Tagabang
• Bagasay: Contributing Editor
• Cuyo Press 101 for Dummies

GOOD NEWS SA MGA ALIAG AG SELENG Y ANG ‘PLONING’ PREMIERE NIGHT!

As of last night, mi major nga development… Darwa ren ka sinian ang premiere night sa April 26 sa
Megamall… Cinema 9 & 10…

Ag advise moro ang SM nga dorong inquiries for tickets… So, they decided to open another cinema…
Ig mi poidi rendang mabakal nga tickets… 160 pesos ang ticket… available den sa SM Megamall ticket booth…

Bakal kamo ron nga lagi kong intirisado kamo… moro pag naelaman dia y ang mga fans y Judai y ona…
mamaobos nga lagi dan.

[TAYANGAW]

Bolan i Pebrero dagong 2008 ang magmasakit ang batang dia sa ladawan nga dating taga San Carlos nga naglagted sa Paragua andang mga gorang-gorang, mabuay deng dagon. Tenged sa anang bokol sa likod, kaministirang opiran ig simpri k’warta ang kaministiran.

Mga tangay ing kakadengeg kong ibarita nga pa’gi sa pagkaliek ni TAGABANG aka times tana i maiteng kantidad nga dorong kabael sa pamilya ang batang dia datong andang mga unang pira ka adlaw sa Puerto. Ing papa’bot anda andang mabael nga pasalamat kanindong tanan. Kalooyan kamo kono ateng Gino’.

Sa dadi mayad den ang bata, balik sa normal life tenged na operan den with the big help of Gov. Joel Reyes. (Thanks Gov from Cuyo Press Peeps!).

For privacy reason, pasinsya kamo kung indi amen kabaeg anang aran ang bata ig ang anang mga gorang-gorang. - DAEPAN TA IG DAYAWEN SI TAGABANG sa anang dorong katinlong ing pakita kanateng tanan.

TAGABANG kaloyan kaw ateng Gino’.

[banbanen]

Ing paskin amen digi ang isarang dagon ang risulta i ang Constructive Analysis of True and False Cognates in Filipino and Cuyonon ni Florida V. Dangan - maman dia ang kakasabat sa mga pira ka pakiman sa pagsorolaten i Cuyonon nga mi kinaelaman sa Filipino o Tagalog. Inaling ara indo naripara, kablita indo lamang ang aga darason sa ibaba.

• Part 1
• Part2
• Part 3
• Part 4
• Part 5
• Part 6
• Part 7
• Part 8
• Part 9
• Part 10
• Part 11
• Part 12
• Part 13
• Part 14
• Part 15

Source: www.sil.org - you can download the full research in PDF for here.

Aliag kami ag taw i’ mayad nga paglalawasen sa tanang mimbro ang CP ig pati ren da sa mga aga barasa lamang.

Sa seled i’ darwa ka dagon den nga ag lebas makokon amen nga maraye ren ang na’bot ang ateng tarabidan paagi sa site nga dia, ig tenged dian, aliag amen ipaabot kanindo ameng tedek sa tagiposong pagpasalamat sa tanan nga ag birisita ren ang site, sa tanan nga asta dadi padayon pa ra enged andang suporta, ig pati ren da sa maga partisipar pa lamang sa madarason nga timpo’.

(more…)