Abiso: Simban Issue 11/08/2010
Posted by Cuyo Press in Abiso'.trackback
Ara ren ministir na magpadara kita pa i’ “petition letter” atetenged sa pag loat ang mga baldosa sa ateng simban – ing patadeng den ni fr. leovy ang paobra tenged sa naona ren kanaten nga solat nga ag alin sa gropo i’ang cuyonon baragatan digi sa manila.
Ang national museum aga pakitaw i’ mga litrato – lagi ig bago – agod makompara anda kong anono ang nagkaraoman den ig ang ara. basipang mi mga natatago kamo nga mga ladawan nga sarang makatabiang sa pag-”restore” sa ateng kota sa anang dating itsora.
Mabael nga kantidad ang ministir sa “restoration” nga tola’dan animan sigoro dadi pa lamang magboroniogan kita reng mga cuyonon para dyan. mi mga kasimanwa kita reng ag prisintar i’ tabiang datong ing paplanoan ta pa lamang nga ipatadeng ang paobra, basipang ara pa ra i’ oman andang mga leba.
Oman – patigayon indo ra ipadara indong mga ladawan, labi pa ren da enged ang mga lagi – agod makapadayon don ang madason nga tikang.
Matamang salamat – Bagasay
Salamat sa impormasyon Mayor! Ay Bagasay gali.
siri koa…..way si fr. leovy kono digi sa manila dadi, sigoro ing patawag den i’ ang CBCP ay ing padaran amen da sanda i’ solat. basipang mi matabo ra sa ateng ing titingwa.
Basipa ra na mi positibo rang matabo. Ta mi bael ka reman na nabuat sa ateng banuang Cuyo. Congrats! Dato gali ang litrato ang kasal anda Manong Gaddy sanda i Manang Grace matama kita pang makikita doto. A pupurog-purog pa i “silver” ang altar ang simban. Circa 1969 pa dato.