Chatroom Archive June 21-28 June 28, 2008
Posted by Cuyo Press in chatroom archives.comments closed
Abiso’: POLL June 27, 2008
Posted by Cuyo Press in Abiso'.3 comments
Siguro naripara indo ren da nga mi ateng POLL kita dian sa Tu’ sa o’bong kung sadin pwidi kamo ag buto indong mga ena-ena. Aliag ko lamang i pademdem nga dan kamo kaisara lamang i’ buto. Pwira lamang kung maglagted kamo i indong work station pwidi kamo ag buto oman. Indi amen maelaman kung sino-sino ang mga butanti.
Sino man ang aliag ag padara andang mga pakiman para sa ateng POLL, libri’ ara’ bayad. Ig simpri kami lamang ang kakaelam kung kino ag alin ang pakiman.
Pwiding Pulitika, Barita, o mga bagay-bagay nga mi potential nga makatabang sa ateng mga manig panodila. Demdemen indo ra nga dia POLL animan kaministiran nga mataged lamang ang mga SABAT.
Moro sa imong panid? kablita lamang dia kung intrisado kaw ig ipadara imong pakiman.
Oppss indi kamo ag sinti kung midio mabuayan ang indong pakiman kapaskin. Kami moro mi sadili rang pamilia nga dapat unaen porabil ang CP.
Naisip amen dia, ay imoro mi mga kasimanua kitang aliag ag patad andang ena-ena tay indi maliag ag pakilala. Animan ing tatawan sanda i’ timpo nga kapartisipar katabid kitang tanan.
Ang pakiman digi ay: “Anono ang matatabo sa risulta ang POLL kung tapos den?” - Ang sabat: “Dan aka ARCHIVE ig kami lamang mga editors ang kakaripara dan. Ig pupunasen amen kung kaministiran dipindi sa Terms of Use ang Host.“
Kung mi pakiman kamo, siguro sa dadi elam indo ren da kung pasamoro!
TGIF sa tanan!
Ako si… June 25, 2008
Posted by Cuyo Press in Jokes.add a comment
Dodoy: “Hu hu hu”
Tatay: “Doy, ayamo nagatangis kaw?”
Dodoy: “Ang karimo’ akeng aran, Kamilo Gaudencio. hu hu hu”
Tatay” “Anono ra ang marimo doto?”
Dodoy: “Hu hu hu!!!, akeng mga klasmit andang tawag kanaken, KamiloG”
Mining-mining June 24, 2008
Posted by Cuyo Press in Cuyonon Words.1 comment so far
Elam i’ ang tanan nga Cuyonon ang patigem nga dia:
Tigem-tigem. Tubig sa mining-mining indi kitaen i’ angin?
Kung indi mo maelaman ang sabat dian, pwis beken kaw i’ Cuyonon. Sa isarang parti, maski elam mo ang sabat, napakiman mo ren kabay sa imong sadili kung anono ang maliag i kon ang MINING-MINING? Dia kabay isarang lugar nga doro’ raye? o isarang bisara lamang nga ara’ maliag i kon, agod matinlo i pamatian ang patigem nga dia?
Isara pa, kung napopoling ang mga bata ang una, ing eyep lamang ang mga malam ig magkon nga “Dato ren ing porasik den sa MINING-MINING” - tapos abebel da manda ang poling! Damparang!
Dato lamang anono kabay ang MINING-MINING?
[BANBANEN]
Aelaman Indo…? June 23, 2008
Posted by Cuyo Press in Aelaman Indo?.1 comment so far
ang sakaunan nga “high school” sa Palawan sa Cuyo ra ing abrian?
Dagon nga 1907, ag abri ang mga Amerikano i high school a Cuyo ig ing tawag anda nga PALAWAN HIGH SCHOOL. Sa akeng pabetang dia bilang pagpasuson sa ing tukod nga Cuyo Miller School ay sadin da manda maga padayon i adal ang mga Cuyonon kung indi sanda ag betang i high school doto?
Bago magkatinir i high school sa Cuyo, ang mga taga aten nga iba sa Manila aga aradal animan mi naging classmate pa ngani si Dr. Jose Rizal nga Cuyonon, si Jose Rey, taga Amianan. Ag classmate sanda sa University of Santo Tomas, Bachelor of Arts.
Dato lamang, mag abot ang 1936, ing lagted den ang Palawan High School sa Puerto Princesa ig asta dadi doto pa.
[BAGASAY]
Talikod June 22, 2008
Posted by Cuyo Press in Jokes.add a comment
If you make TALIKOD to me i will not be SILAG i will just SELENG you PANAW, if suddenly you DAGPA, i will just say, you MORO’ NA do not MAKE AMBLIG, AMOS DIGI i will give you a KEPKEP!
If I make TALIKOD to you and you make SILAG to me, and just watch me PANAW. For sure, I will not DAGPA because if that happens, you will make KADLAW and I am affraid your SIPON will make BAROK outside your IRONG. Worst case scenario is you will SINGOT it PABALIK and laugh out load with matching UTOT.
Abir kamo re’man? - [BANBANEN]
Chatroom Archive June 14-21 June 21, 2008
Posted by Cuyo Press in chatroom archives.comments closed
- 1. matinlo - June 14, 2008
- ist honor ang matz..
-
2. sikad sikad - June 14, 2008 - ehem 2nd honor ako!
SP Maumpisa ren i’ Cuyonon? - (Tentenenen!) June 18, 2008
Posted by Cuyo Press in Ena-ena.11 comments
Kada unang Martis i’ ang bolan, ang Sangguniang Panlalawigan i’ ang Palawan ay maga umpisa ren i’ limeg i’ Cuyonon. Sanda maman den ang maga sirbing modilo kanateng tanan.
Lalipan ta ang isarang parti’ ang report ni Cheryl A. Galili i’ ang Palawan Times:
In a privilege speech, Board member Gil P. Acosta said he is happy that the Cuyunon ordinance is now being implemented in the province. He disclosed that with board member Leoncio Ola, a resolution has already been passed by the SP and will be sent to Department of Education (DepEd) Sec. Jesli Lapuz for integration in primary school curriculum in the province to preserve Cuyunon culture, arts, history and traditions, including the language.
Section 14 of Article XIV of the ordinance provides that the State shall foster the preservation, enrichment and the dynamic evolution of the Filipino national culture based on the principle of unity un diversity in a climate of free artistic and intellectual expression.
Basipang maripara ra i’ ang maga aprobar sa o’bong nga ang isyu nga dia ay beken i atetenged sa mga Cuyonon lamang. Kundi ang Cuyonon ay maman ang kultura ang Palawan.
Kasalanan June 18, 2008
Posted by Cuyo Press in Jokes.1 comment so far
Mi bisara sa english nga: “Never make the same mistake twice.”
En manda, ang karake ang kasalanan digi sa kalibotan, ayamo ara mo i samiti ang iba?
(hae hae hae!)
Caponayan June 17, 2008
Posted by Cuyo Press in Research.add a comment
Sigon sa mga barita, ang Caponayan kono ay nag alin sa bisarang PUNAY. Isarang Lamggam (Bird). Marake ang Punay sa Lugar nga dia dato anay.
Kadabis nga magapandakep ang mga tao i’ Punay sa lugar nga dia, makon sandang lagi mapakon sanda sa CAPONAYAN.
Basaen ang: Manamoc, Maringian, Pawa
Reference: Cuyono Legends: Some Values and Beliefs by Donabella L. Guardiano, October 1996
