Tintar May 15, 2008
Posted by Cuyo Press in Cuyonon Words.trackback
Tenged kita manda ay tao lamang, kaisan natitintar kita ig ing pipilayan. Oman ing papakitaw ko ang indong mga ena-ena sa bagay nga dia.
Una, anono ang indong pagkamaramad sa bisarang Tintar? - Ig sa anong bagay kamo natitintar? - Ang indong ena-ena ay dorong ka importanti sa ateng manig panodila.
[BANBANEN]
Ang “Tintar” kung sa Tagalog pa ay “Tukso”. Dia beken enged i bisarang Cuyonon tenged nga dan ing adoptar ta lamang agalin sa Español
kung sa cachila, tentar - ara ka palikay sa tentacion!
Ang maliag i kon ang tintar ay agaganyak ka ngani ang buat o samit ang mga bagay na bawal o beken boruaten. Halimbawa kung mi alta presyon ka ren ag kaen ka pa i tambok i baboy. O kung muslim kaw. Tay makon akeng tangay na si Aron Narrazid beken da baboy ang ing kaen kundi litson. Kung mi diabetes ka ngani ag kaen ka pa i tsokolati. O kung mi kaba’not ka ren aga seleng ka pa ang mga seksi na daraga. Sabagay selengen mo lamang indo mo ron i teleken. O pagkaen den lamang i kapayas. Dan mabebel ang tintasyon sa imeng lawas.
mi isarang pa marapit sa bisarang tintar… tentasyon…tanan kita natitintar o may tentasyon.. ay dan kung sa ateng pagtoo..pirmi dan nga mi tentasyon.. tenged si ” taning” aliag enged kita maguyod na sa anang kaliaga. maski ateng Ginoo ing tintar katlong beses sa disyerto…
Kung mi tentasyon, beken maliag y kon akasala kita ren… akasala kita lamang kung ag tugot kita o nag paulog sa tentasyon…
makon ang mga maelam… magpaslamat kita kung kita ing titintar… tenegd maliag y kon kita kampi pa nag Ginoo… kung rara ren dan mabereng kaw… si Satanas kuno indi ren ag tentar sa anang mismong kampon dun hehehehe
Salamat oman kanindo. akeng kalaem ang “Tintar” ing “Erepan” Damparang.
Dan ang matinlo, aga tao kita ateng mga ena-ena in a way nga nai-educate ta ang ateng mga manig panodila.
ilibs ako kanindo! Sa oromanen!