Between Evil and Good 11/27/2007
Posted by Cuyo Press in Jokes.trackback
Isarang adlao sa Garden ang Paraiso…
Ag pakitaw’ day off si Adan, ag pakig ampang tana sa mga anghel sa langit na tana kuno magapanari anay, ig anang aliagan nga kabailo ay si Archanghel Juyer.
Adan: “Salamat Juyer tenged ag tugot kaw nga bailoan ako sa pagbantay ang Hardin.”
Juyer: (Midio apambog pa) “Ara kaso, maeteng bagay lamang dan, basta ikaw!”
Adan: “Dagi lamang imong tandan ~ Magparaye kaw sa puno’ ang mansanas, dan durong ka eget nga ing babawal nga kaenen ang anang bunga.”
Ig dugang pa ni Adan: “Inding-indi mo enged’ lipatan. Indi ka enged ag papirdi sa dimonyong magkal nga aga libot-libot digi sa hardin, dan dorong ka panulay. Kung maruya kaw, papatangisen ka’enged.”
Juyer: “Sus ako pa!? payat!”
Ag lebas ang pira ka oras… ig marake ang natabo sa seled ang paraiso… ing tawag’ gulpi ni Juyer ang G-D ~ ig ara i buay ing pamatian tana…
G-D: “Ayamo Juyer ~ anono ang problima midio indi ma drawing imong itsura?”
Juyer: “G-D indi ko ren ma’agwanta ang intrimis kanaken ang magkal nga dan! saben mapatay ko lamang dan!”
G-D: “Indi ka’g papirdi dapat mabaked kaw! Elat anay anono anang banat kanimo?”
Juyer: “Supot! Supot! Supot!”
Panolay talaga!!!! Dan mi mga tukso talaga sa ateng kabui nga kung kaisan indi ta malampasan o indi ma pirdi…Labi pa ren ang kamatodan..makon nga lagi sa inglis “THE THRUTH HURTS” tay kung mag papirdi kita ara manda luluan…ang pinaka ma inlong buaten ay magparaye ka ren lamang sa mga panolay…aelaman mo ra kung sino ang panolay ig sino ang anghel…