Pakiman ni Bagasay 10/21/2007
Posted by Cuyo Press in Uncategorized.trackback
Mi akeng tangay ako nga aga pakitaw tabiang sa pagpalagted sa cuyonon i ang “rights of the suspects under custodial investigation”. Pwede kabay kapangaraba kanindo? dagi amg mga maliag na maelaman sa cuyonon:
1. “You have the right to remain silent.”
2. “That if he waives his right to remain silent, anything he says can be used in evidence for us or against him in court.”
3. ” That he has the right to counsel of his own choice; and that if cannot afford, he shall be provided with an independent and competent counsel.”
4. “That he has the right to be informed of such rights.”
basipang mi sanag akong masasarigan kanindo. matamang salamat ingan.
Samit lamang dia:
1. “Imong katadlengan nga indi kaw ag limeg.”
2. “Nga kung pasubalien na anang katadlengan nga indi ag limeg, tanan nga anang ikukun gagamiten nga ibidinsya sa korte laban o para kanana.”
3. “Nga anang katadlengan nga magbel anang sadiling abogado; kung indi na makaya ag bayad i abogado, tatawan tana i panadili ig maansianong abogado.”
4. “Anang katadlengan nga ibarita kanana ang manga katadlengan nga dan.”
1.” mi matadleng kaw nga indi mag lisang.”
2. “nga kung bubuliawan mo imong matadleng, anono man imong ilimeg, pwedeng magamit nga ebidensya para sa imong kaayadan o kontra kanimo.”
3. “nga mi matadleng kaw nga magbel i imong sadiling abogado; o kung indi mo masarangan, tatawan kaw i isarang independiente ig masasarigang abogado.”
4.”mi matadleng kaw para baritan i ang imong mga katadlengan.”
salamat gali ki palaminco. ang buay akeng isip kung anono ang “rights”, ing tadleng mo akeng painoino.