Kailangan o Kaministiran? August 15, 2007
Posted by Cuyo Press in Cuyonon Words.trackback
- Kailangan ko y lambong nga ngitit.
- Kaministiran ko y lambong nga ngitit.
Pariho ra lamang anang maliag y kon di ba? Kaisan nalilipat ako ra, pirmi kong agagamit ang Kailangan imbis nga Kaministiran.
sa cuyonon ara i kailangan. ang tamang terminolohia, kaministiran. dia ag alin sa cachila nga minister - need kung sa english pa.
Banbanen, mayad lamang ing post mo dia. Matama mandang manga taga aten nga kaisan nababailoan anda i Tagalog nga bisara ang Cuyonon. I dogang ko digi ang bisarang “lamang.” Na notisian ko nga ang tama kanaten labi para enged sigoro ang manga kabatan ang aga gamit i “lang” imbis nga “lamang.”
Salamat kanindo, Bagasay ig Lomboy. Dadi kaministiran ko reng lipatan ang “kailangan” kung malimeg ako Cuyonon.
mapakeman ako lamang digue,
kita ba ara y libro nga agalista ang mga madadalem ng cuyonon?
matamang salamat…
@lamgam: pagpakilala ra patigayon sa a.k.a. page para magkirilalan kita ig mas masabor ateng iristoryan….dan makikilala mo kaming tanan duto sa a.k.a. page. matamang salamat ig welcome sa cuyopress!
lamgam, mayad nga idea dan. pwede ta mabuat imong ing papakiman. pero sa tulad sa dadi akeng aelaman mi libro kita nga ing sulat ni mrs. fe tria fernandez nga medyo sa handbook nga cuyonon for non-cuyonons.
tama si bagasay ara bisarang “kailangan” sa purong cuyunon pero dadi ing gagamit de dan bilang borrowed or assimilated word nga ag alin sa tagalog. kung aliag ka talaga y tamang tultulanen sa kinuyunon ” kaministiran ko y lambong nga mangitit.”