Ang kauna-unang Cuyonons 05/02/2007

Kabay ara y seled sa indong barot kung sino ang mga naunang Cuyonon? O saben a’elaman indo ren da? O kabay dan ara ra?

Ing kaso lamang nga ara kamo pa kalibutan, dan ang unang ag arabot sa Cuyo ay mga Malays nga ing papamunuan ni Chief Matu-od. Sanda ag alin sa Madia-as (Panay) ag sampet sa Tabunan Suba. Andang ing sakayan baroto lamang. Ilam lamang kung samuro bael ig kung pera ka bilog.

Tapos ing dasunan duman y ibang grupo mga Malays ing papangunan ni Datu Magbanua nga ag abot sa Tarabeng Pawa. Ara’y buway, ing palapad ni Datu Magbanua anang sinakepan. Ing padara na ang anang ibang mga kaiban sa Macanas tegka Calamian, Cabailo tegka Agutaya asta Cabongon tegka Taytay. Umpisa dan ag amat amat den y tama ang mga Cuyonon.

Dan maman lamang ang akeng naelaman. Ig kung me kadudugang kamo, patigayon lamang mag comment sa post nga dia. Matamang Salamat.